Esambu 8 - La Bible en Otetela (Bible K'Ekila) 1991

Lutumbu la Unyashungu, la Nemo Dia Untu

¹ Latuyalaka Khumesu li, Lukumbu laye leli dimena otekoya lu kete tshe, Ndu lutumbu laye lambumbela ladiku diʼulungu!

² Uma lʼenyo wʼakenda ndu wa wane waloma, mbakayaki lutumbu laye dia ntewadia atunyi aye, La dia nembohaya utunyi ndu osomboyishi.

³ Lamʼatumendaka ulungu, ulimu wʼanya aye, Ngondo la toto takayatungi,

⁴ Untu eli na, dia we mbukanela? La ona untu eli na, dia we mbekesanela la ndi?

⁵ We akutungi lasuki la mbedima la Unyashungu, Akulimbe lufule la lutumbu ndu la dimena.

⁶ We akukitsha umbahemedi wʼelimu wʼanya aye. We akakitsha diango tshe la tshina dia akaka andi:

⁷ Ekoko tshe la ngombe, Ee, ndu nyama ya lʼukunda,

⁸ Fudu ya lʼulungu ndu nsi ya lʼashi, Ee, engo tshe katokendakendaka lʼashi.

⁹ Latuyalaka, Khumemi li, Lukumbu laye leli dimena otekoya lu kete tshe!