Esambu 67 - La Bible en Otetela (Bible K'Ekila) 1991Wedja Tshe Watumbuli Unyashungu 1 Unyashungu, utuki ketshi, utotshokole. Etawo usasi wʼelundji kaye ntohetela, 2 Dia mbuka kaye mbeyama le wa la kete, Ndu panda kaye lʼatei a wedja tshe. 3 Unyashungu li, wa la kete wakanduli, Wedja tshe wakutumbuli! 4 Wedja tshe wangenengene, wimbi esambu wʼongenongeno, Ne dia we katulumbuyaka antu la sambu kʼololo, Katulelaka wedja tshe wa la kete. 5 Unyashungu li, wa la kete wakanduli, Wedja tshe wakutumbuli. 6 Kete yakangonya diango diayo. Unyashungu, Unyashungu akatotshokola. 7 Unyashungu akatotshokola. Antu tshe pulu ndu la kuma ya kete kawuwukaki woma! |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo