Esambu 61 - La Bible en Otetela (Bible K'Ekila) 1991

Elungamelu kʼElamelu ka Unyashungu

¹ Unyashungu li, uki delu diami! Ulungi dombelo diami.

² Lamʼayokomo utema ami, dimi layukulelelaka kuyanga la kuma ka kete kemi. Onombole, utunshikike lu dive diuleki utali.

³ We keli eshamelu kami, Lungeli la nshimbami uma le atunyi mbeye.

⁴ Dimi layudjaseka lʼetemwelo kaye pundju, Layushamaka la tshina dia ahafu aye.

⁵ We Unyashungu, katukaka alokoloko ami, Ne dia we atushaka wane watukaka lukumbu laye woma ukito.

⁶ Ufudia nshi ya lumu la khumʼekanga, Enonyi andi wakumi lu nonga tshe.

⁷ Ndi ulelaki antu la ntundu ka Unyashungu pundju. Ngandji kaye ka shikaa la kolamelu yaye wulamaki.

⁸ Osoku mbayumimbaka esambu wa ntumbulaka lukumbu laye pundju, Dia dimi nkutsha alokoloko ami la lushi la lushi.