Esambu 54 - La Bible en Otetela (Bible K'Ekila) 1991

Dombelo Dia Nkundja Elamelu Uma le Atunyi

¹ Unyashungu li, unshimbeli lu lukumbu laye, Unumbuya lu wulu aye.

² Unyashungu li, uki dombelo diami, Uhukami aui wʼuma lʼunyo ami,

³ Ne dia asi wedja wambunela dia ndoshami, La akanga a ngala wambuyanga lumu lami. Vo hawukitsha Unyashungu la ntundu kawo.

⁴ Enda, Unyashungu keli usuko ami, Khumadiondjo eli kame la waku watushikikeka lumu lami.

⁵ Ndi ayosomboya le atunyi ami la kolo. Uwashili ushiki lu kolamelu yaye.

⁶ Dimi layukulambula ulambu lʼutema otoi. Latuyalaka li, dimi layutumbulaka lukumbu laye, ne dia io leli ololo;

⁷ Ne dia we akantshungula uma lu fono yami tshe, Ndu lambena kene kalangami le atunyi ami.