Esambu 53 - La Bible en Otetela (Bible K'Ekila) 1991

Enginya la Kolo yʼAntu

¹ Enginya katutaka lʼutema andi ati: Nduku Unyashungu weko. Etema awo weli kolo, vo watutshaka akambu wa wononyi. Nduku untu otoi latutshaka ololo.

² Unyashungu atendaka antu uma lʼulungu, Dia mena kana untu omotshi kanga yimba eko, Latuyangaka Unyashungu.

³ Vo tshe wakanganela, wakayala sulu. Nduku untu lʼatei awo latutshaka ololo, ee, kema nduku otoi.

⁴ Wane watutshaka akambu wa kolo waha la yimba uka? Vo watolekaka wudja ami uku atuwolekaka ma. Keli vo hawutetaka Latuyalaka dia mbotemola.

⁵ Lu dihuli diaki kundjala woma ntundu, Vo wakatamanya mbuka woma, Ne dia Unyashungu akadianganya weka wa one lakakukela wumbe. We akawautsha sonyi ne dia Unyashungu akatuni.

⁶ Panda ka Isariyele li, atumbi uma lu Siona! Lamʼakaluya Unyashungu wudja andi uma lu fumbi, Ku Jakoba ayongenangena, ee, Isariyele ayuka olo.