Esambu 48 - La Bible en Otetela (Bible K'Ekila) 1991

Dimena la Lutumbu la Siona

¹ Latuyalaka eli wuki, ndi kukuki mandwama Lʼusumba wa Unyashungu asu!

² Ukungu a Siona wa lu leke la ngelʼa kushi weko dimena efula, Ee, ongenongeno wa la kete tshe mbewo, Usumba wa khumʼekanga ka wuki.

³ Unyashungu atenamaka uku lungeli lawo, Lu mvudu ya diulelu lʼusumba ako.

⁴ Enda khumi ya dikanga yakasangana, Yaketeta kame.

⁵ Vo wakendi, wakakashimo, Wakakanana, wakuki woma, wakalawo.

⁶ Lukumba lakawandi laawo, Uku kandji ka lono latutataka umuntu lutsha mbuta.

⁷ We akalanya, uku atulanyaka lopepe lʼuma lʼehutwelu ka unya Mashua wʼapema wa la Tarashishi.

⁸ Uku akatuki wata, mbakatenyi lʼusumba wa Latuyalaka, Kanga lulimbilimbi, Lʼusumba a Unyashungu asu vati: Unyashungu ayushikike usumba ako pundju.

⁹ We, Unyashungu, shu takakanaka yimba lu ngandji kaye ka shikaa Lu luudu laye lʼotemwelo.

¹⁰ Unyashungu li, uku eli lukumbu laye Mbatukumaka diandu diaye pulu ndu lu kuma ya kete! Lunya laye la lupami lambulula too la sambu kʼololo.

¹¹ Ukungu a Siona, angenengene. Ana amantu wa Juda, wangenengene otekoya, Ne dia dumbwelu diaye.

¹² Nyokendekende lu Siona, nyutshimbi lʼutshimba awo, Nyali efula ka mvudu yawo yʼetangelu.

¹³ Nyendi ngeli yawo ololo, Nyushishimi mvudu yawo ya diulelu, Dia ndjusanyiya lolonga layayi

¹⁴ Nyati: Unyashungu, eli Unyashungu asu pundju, pundju. Ndi ayuyala olombodi asu pundju.