Esambu 43 - La Bible en Otetela (Bible K'Ekila) 1991Dombelo Dia Nkundja Elamelu ndu Etshungwelu 1 We Unyashungu, unsambuli, unumbweli la wudja one wʼuhedia. Untshunguli uma le akanga wa lukesu la wengiya! 2 We keli Unyashungu ami, le ye katu mushamaka, ukundi ansukulaye na? Ukundi atumuyalaka la lunyangu ne dia ohenyohenyo wʼutunyi? 3 Utumi usasi aye la mete kaye, wanombole. Ee, wanombole pulu lu dikuna diaye diʼekila, Ndu lu edjaselu kaye. 4 Ku layutsho utsha lʼediakelu ka Unyashungu, Le Unyashungu, ongenongeno ami, ongenongeno ami wʼotekoya. Unyashungu, Unyashungu li, dimi layukimbelaka esambu wa diandu la losese! 5 Utema ami, ukundi ambuyolembiama, Ukundi ambuyutshutshumala? Ulungamelaki le Unyashungu, Ne dia dimi layuwandula ntu; Ndi keli panda kami la Unyashungu ami. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo