Esambu 41 - La Bible en Otetela (Bible K'Ekila) 1991

Dombelo Dia Ekonwelo

¹ One latukanelaka usi wula eli la otshoko. Latuyalaka ayutshungula lushi lʼasui.

² Latuyalaka atulamaka, atumbaka lumu landi. Ndi atongenangenaka la kete. We hukimo lu lulangu lʼatunyi andi.

³ Latuyalaka atuwushaka wulu lamʼendi lu tangi lʼasui. We atusambaka lu kandji yandi tshe lamʼendi lu tangi.

⁴ Dimi lakati nti: Latuyalaka li, umbuki ketshi! Okonoya utema ami, ne dia dimi lakakutshela kolo.

⁵ Atunyi ami watumbwanaka vati: Kaandi ayunduvo? Etena kakona kayushisho lukumbu landi?

⁶ Naka omotshi ambuya dia ndjumenda, ndi atutaka aui wa utata; Atukulunganyaka aui wa kashi lʼutema andi. Ku lamʼatumbandi, ndi atadianganyaka.

⁷ Wane tshe watumpetshaka, watungunangunaka dikambu diami. Vo watulungamelaka elanyelu kami vati:

⁸ Kandji kemotshi ka wulu kukime, Kakiane ndi aya baka, husungukala ntu.

⁹ Ndu ongenyi ami lakambekamaka, Lakalekaka la mi ma, Ambompota ina.

¹⁰ Keli we Latuyalaka, umbuki ketshi, umunyiya Dia dimi nsomboya kolo kakawantshela.

¹¹ Naka utunyi ami hanembisha, Ku dimi mbeya nti: We ngenangenelakami.

¹² We atunsukelaka lʼololo ami. Atumemeka la ntundu kaye nshi tshe.

¹³ Latuyalaka, Unyashungu wʼlsariyele, atumbwamaki pundju, pundju! Ayali osoku! Ayali osoku!