Esambu 40 - La Bible en Otetela (Bible K'Ekila) 1991

Diatidu ne Dia Etshungwelu

¹ Dimi lakalungamela Latuyalaka la ki; Ndi akahuke tui uya le mi, ndi akuki delu diami.

² Ndi akantundja uma lu difuku diʼelanyelu, Uma lu loteke; Ndi akameme ladiku dia dive, Akashikike lokendo lami.

³ Ndi akadji usambu wʼuyuyu lʼunyo ami, Usambu wa diandu le Unyashungu asu. Antu efula wayena dikambu ne, wayuka woma, Ndu vo wayekama le Latuyalaka.

⁴ Untu latekamaka le Latuyalaka, eko la ongenongeno. Ndi hatukadimoka utsha le akanga a lahi kuyanga le waku watutaka kashi.

⁵ We Latuyalaka, Unyashungu ami, akambu wa mamba wakayatshi, La tukanyi takayakani lu dikambu diasu, weko efula; Nduku ledimi la ye. Kuyanga layuhimba mbata, Vo weko efula kaheyama mbala.

⁶ We hatongenangenaka elambu kuyanga eshasha. We akadihula atui ami; We halombe ulambu wa lutshumba kuyanga ulambu wa kolo.

⁷ Ku dimi lakati nti: Dimʼone, lambuya; Akafundama lu buku dia wombo dikambu diami ati:

⁸ Dimi latongenangenaka dia ntsha lulangu laye, we Unyashungu ami. Ee, olembe aye ambufundama lʼutema ami.

⁹ Dimi lakadianganya lukumu lʼongenongeno la sambu kaye kʼololo lu ului a wuki. Enda, halashimbi elomo ami, Latuyalaka li, we mbeyaka osoku.

¹⁰ Dimi kumbishe sambu kaye kʼololo lʼutema ami. Dimi lakadianganyaka kolamelu yaye la panda kaye. Dimi kumbisheka ngandji kaye ka shikaa la mete kaye Lʼului a wuki wʼantu.

¹¹ Latuyalaka li, tunyimaki ketshi kaye. Ngandji kaye ka shikaa la ketshi kaye wanamaki tena tshe,

¹² Ne dia kolo yaheyama mbala yatunyingaka, Kolo yami yambonembia, Edja ndu haleyi mbedia ashu. Yo yambuleka divu dia lʼote ami efula; Ndu dihunga diami diambushila.

¹³ We Latuyalaka, etawo dia ntshungulami. We Latuyalaka, usamanya, unkimanyia.

¹⁴ Wane watuyangaka dia nanya utema ami Wutshami sonyi, wonywami vo tshe kame! Wane watongenangenaka lʼelanyelu kami Wakaluli esokosoko, wonywami!

¹⁵ Waku watomonyolaka vati: Ya! ya! Wakashimo la sonyi kawo.

¹⁶ Keli wane tshe watukuyangaka, Wangenangenaki le ye, walimbolimbo lʼongenongeno. Wane watulangaka panda kaye, Wataki tena tshe vati: Latuyalaka atumbwami!

¹⁷ Dimi leko usi wula la uhumbi, Keli Khumadiondjo atunkanelaka. We keli ukimanyidi ami ndu utshungudi ami; Unyashungu ami li, tutshimbatshimbaki.