Esambu 4 - La Bible en Otetela (Bible K'Ekila) 1991

Dombelo Dia Dikolo, Dia Mbekama le Unyashungu

¹ Unyashungu wa uluwanyi ami li, umbukeli lamʼaketami; Unshimbeli lamʼemi lʼatei wʼasui; Umbuki ketshi, uki dombelo diami!

² Nyu ana wʼapami, edia ndu kaandi ayunyukimo mongola nemo diami? Edja ndu kaandi ayunyukimo mbuka engo kʼanyanya ngandji, La nyanga engo keli kema mete?

³ Nyeyi nyati: Latuyalaka akayasonwela one latutshaka ololo. Latuyalaka atumbukelaka lamʼatumuwetaka.

⁴ Nyudidimi, keli tanyutshaki kolo; Nyotekete lu khumi yʼetema yanyu lamʼenyu lu tangi, ku nyuyali ki.

⁵ Nyulambuli elambu anyu wʼololo; Nyekami le Latuyalaka.

⁶ Antu efula mvutaka vati: Ayutenya diese na? Latuyalaka li, utediya elundji kaye kʼongenongeno!

⁷ We ambudja ongenongeno utamanya lʼutema ami Wuleki a wane wambuyala la dinela diʼololo diʼahoho la diʼelua wa ntsha wanu.

⁸ Dimi latetamaka, latulalaka djo la ki, Ne dia weme Latuyalaka, katunamaka lu luudu lami.