Esambu 3 - La Bible en Otetela (Bible K'Ekila) 1991

Dombelo Dia Pindju, Dia Mbekama le Unyashungu

¹ Latuyalaka li, atunyi ami wambuyala efula; Antu efula wambunela dia ndjolo la mi ta!

² Antu efula wambuta dia lumu la mi vati: Ndi heyi ntana ekimanyelu le Unyashungu.

³ Keli Latuyalaka, we katukumbelaka lʼutshimba ami uku engawu We keli lutumbu la mi, we katediaka ote ami.

⁴ Dimi latulelaka la diui dia wulu le Latuyalaka. Ndi atunkaluyaka diui uma lu dikuna diandi diʼekila.

⁵ Dimi latetamaka, ndu latulalaka djo. Dimi latetoka, ne dia Latuyalaka eli usuko ami.

⁶ Dimi haluki nunu nunu diʼantu woma Kuyanga vo wambunyinga lasuki la beke tshe.

⁷ We Latuyalaka, uneli, unshimbeli, we Unyashungu ami, Ne dia we ayokomola atunyi ami tshe lu tama. We ayungula anyu wʼantu wa kolo.

⁸ Panda keko le Latuyalaka; Otshoko aye wayali le wudja aye.