Esambu 15 - La Bible en Otetela (Bible K'Ekila) 1991

Wane Wudjashi lu Dikuna diʼEkila Dia Unyashungu

¹ Latuyalaka, akona ayudjase lu luudu laye? Akona ayutshikala lu dikuna diaye diʼekila?

² One latokendakendaka ololo, Latutshaka akambu wʼuluwanyi, Ndu latutaka mete lʼutema andi,

³ One lahatumamanyiaka la lulimi landi, Lahatutshelaka usikandi kolo, Ndu lahatonyolaka usukanyi andi.

⁴ One latnhetshaka omonyodi, Keli atolemiaka wane watukaka Latuyalaka woma, Lahatukadimoka uma lʼetshibelu kandi, kuyanga ndi ayusuwa loko.

⁵ One lahatosondjanyaka falanga yandi dia nkundja waho. Lahatulungulaka mbu yʼutshu dia mamanyia antu waha la unungu. One latutshaka akambu ane, kayushikimala pundju.