Esambu 145 - La Bible en Otetela (Bible K'Ekila) 1991

Diandu le Unyashungu ne Dia Ololo la Wulu Andi

¹ We Unyashungu, khumʼekanga kami, layukandulaka! Dimi layutumbulaka lukumbu laye pundju, pundju.

² Layukutumbulaka la lushi la lushi, Ndu layotemolaka lukumbu laye pundju, pundju.

³ Latuyalaka keli wuki, ndi kukuki ntumbwama efula, Ndu wuki andi heyama mbedikama.

⁴ Lolonga la lolonga wayandulaka elimu aye, Ndu wayudianganyaka lukumu lʼetsha aye a waki!

⁵ Dimi layukanaka yimba dia lutumbu la wuki aye, Ndu dia elimu aye wa mamba.

⁶ Antu wayoteketaka dia wulu wʼetsha aye wahangone, Ku dimi layusanyaka dia wuki aye.

⁷ Vo wayuhwanaka diʼololo aye waheyama mvuta, Ndu wayandulaka sambu kaye kʼololo.

⁸ Latuyalaka keli kanga ngandji ka shikaa, ndu keli usambi, Ndi huki kele esadi, eli too la ngandji ka shikaa.

⁹ Latuyalaka eli ololo le antu tshe, Ndu ngandji kandi keko ladiku dia diango diandi tshe.

¹⁰ We Latuyalaka, elimu aye tshe wayukandulaka! Ndu ekilami aye tshe wayukutumbulaka.

¹¹ Vo wayutaka dia lutumbu la diulelu diaye, Wayoteketaka dia wulu aye,

¹² Dia nimbitshiya antu etsha aye a wulu La wuki wa diulelu diaye.

¹³ Diulelu diaye dieli diulelu dia pundju, Ndu luwandji laye layutshikalaka lu nonga tshe.

¹⁴ Latuyalaka atusukelaka wane tshe watokokaka. Ndi katusimbulaka wane tshe wukutami.

¹⁵ Ashu wʼantu tshe watendelaka le ye. We atuwashaka mbu ya nde lʼetena kayo.

¹⁶ We atukhukulaka lunya laye, Atulutshaka engo tshe keli la lumu.

¹⁷ Latuyalaka keli ololo lu etsha andi tshe, Ndu ekila lu elimu andi tshe.

¹⁸ Latuyalaka eli lasuki la wane tshe watuwetaka, Ee, lasuki la waku tshe watuwetaka lu mete.

¹⁹ Ndi atukutshaka nangu ya waku watuwukaka woma, Atukaka delu diawo, atashimbelaka.

²⁰ Latuyalaka atulamaka wane tshe watuwukaka ngandji, Keli ndi ayulanya antu wa kolo tshe.

²¹ Unyo ami wayandulaka Latuyalaka. Antu tshe wayutumbulaka lukumbu landi lʼekila, Pundju, pundju!