Esambu 142 - La Bible en Otetela (Bible K'Ekila) 1991Dombelo Dia Nkundja Ekimanyelu lu Ohenyohenyo 1 Dimi latulelelaka Latuyalaka, La tukuku mbatumosengasengaka Latuyalaka. 2 Dimi latukitshaka ukiyanu ami la mundu kandi, Latusanyiaka pa kami. 3 Lamʼatolembiamaka utema ami, We atulimbitelaka mbuka kami. Vo wakamambi djunga lu usheshe, Lu mbuka katumokendakendaka. 4 Uki su lu lunya la pami, endi, Ku nduku untu lanimbitela. Dihuli dia dimi mbishami kema. Nduku untu latukanelaka lumu lami 5 Keli dimi lakakulelela, we Latuyalaka, Dimi lakati nti: We keli eshamelu kami, Etenyi kami kʼukito lu kete ya wasena. 6 Uhukami delu diami, Ne dia lambukitshakitshama utamanya. Unshimbeli uma le waku watunsuyaka, Ne dia vo ndekami wulu. 7 Utundja utema ami uma lu lukanu, Dia dimi mbukaka lukumbu laye lusaka! Ku antu wʼololo wayunyinga, Lamʼayuyuntshela ololo. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo