Esambu 141 - La Bible en Otetela (Bible K'Ekila) 1991Dombelo Dia Dikolo 1 Latuyalaka, dimi latuketaka, usamanya uya le mi! Uhukami diui diami lamʼaketami! 2 Dombelo diami diayali uku ulambu wa lutshumba la ntundu kaye, Ndu edielu ka anya ami uku ulambu wa dikolo! 3 We Latuyalaka, ukitsha ulami lʼunyo ami, Alamaki elomo ami! 4 Tolombolaki utema ami! Dia ntsha akambu wa kolo, Kame la wane watutshaka kolo. Tetawoki dimi nde alambu awo. 5 Untu ololo ankomole, laso kawo; Ndi ampangweli, ku laso ndjalaka uku iso lʼote ami. Ote ami tatunaki, Ne dia layokolamela mbalombela ne dia kolo yawo. 6 Lamʼayukanana embadi awo wulu, Ku vo wayuka aui ami, ne dia vo weli ololo. 7 Uku atufusaka untu kete, Mbatudianganaka weka asu lu diumbu. 8 Latuyalaka, Khumadiondjo li, le ye katumendaka, Ndu katumuyangaka eshamelu, Tukaleki utema ami! 9 Unamaki uma lu tulunga tatuwumambaka, Ndu uma lu aleha wa atshi wa kolo! 10 Atshi wa kolo vame wako lʼetei awo, Keli dimi mpandi. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo