Esambu 14 - La Bible en Otetela (Bible K'Ekila) 1991

Nginyanginya la Kolo kʼAntu

¹ Enginya katutaka lʼutema andi ati: Nduku Unyashungu weko. Etema awo weli kolo, watutshaka akambu wa djetete. Nduku untu otoi latutshaka ololo.

² Latuyalaka atendaka antu uma lʼulungu, Dia mena kana untu omotshi eko la yimba, Latuyangaka Unyashungu.

³ Vo tshe wakanganela, wakayafutanya. Nduku untu lʼatei awo latutshaka ololo.

⁴ Wane tshe watutshaka akambu wa kolo waha la yimba uka? Vo watolekaka wudja ami uku atuwolekaka ma, Keli vo hawutetaka dia ntemola Latuyalaka.

⁵ Vo wayudidima la woma, Ne dia Unyashungu eko lʼatei a diuhu diʼantu wʼololo.

⁶ Nyu nyatonyolaka elungamelu kʼomenyi fono. Keli Latuyalaka eli eshamelu kandi.

⁷ Etena kakona kayuya etshungwelu ka Isariyele lu dikuna dia Siona? Lamʼayuhumuya Latuyalaka wudja andi lukulu lʼolo, Jakoba ayongenangena efula, Isariyele ayuyala la ongenongeno.