Esambu 137 - La Bible en Otetela (Bible K'Ekila) 1991Delu Dia Wane Wakatolama lu Fumbi la Babilona 1 Lamʼakatuhoka Siona, Shu takadjaseka lu kete, Lʼemamu wa kushi ya Babilona, takalelaka. 2 Shu takahane sese yasu Lu etamba wa lʼumamu wʼashi. 3 Waku wakatotole lu fumbi wakatimbia esambu leko. Wane wakatusuya wakatosengola dia ngenangena vati: Nyutimbeli usambu omotshi wʼuma la Siona. 4 Ukundi ukukisu mimba usambu wa Latuyalaka Lu kete ya kana? 5 Jerusalema li, naka layukuhela, Lunya lami la pami lashisha wulu alo! 6 Naka dimi hakuho, Naka hakete ongenongeno ami wuleki, we Jerusalema, Ku dimi ndjala lumi! 7 Latuyalaka li, uhoki asi Edome, Uku akawataka lushi lʼehandjwelu ka Jerusalema, Vati: Nyulanya, nyulanya. 8 Babilona, ona umuntu, we utsha nanyema. One layukufuta uku akayatutshela, Ayali lʼongenongeno! 9 One latosaka anʼaye, atahumanya lʼave, Angenengene. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo