Esambu 136 - La Bible en Otetela (Bible K'Ekila) 1991Diandu le Latuyalaka ne Dia Ketshi Kandi ka Pundju 1 Nyukaki Latuyalaka lusaka, ne dia ndi eko ololo, Ngandji kandi ka shikaa katutshikalaka pundju! 2 Nyukaki Unyashungu, Khumi ka ditemolatemola tshe, lusaka, Ngandji kandi ka shikaa katutshikalaka pundju! 3 Nyukaki Khumi ka wakhumi lusaka, Ngandji kandi ka shikaa katutshikalaka pundiu! 4 Ndi ndame katutshaka akambu wa mamba, Ngandji kandi ka shikaa katutshikalaka pundju! 5 One lakatungi ulungu la komba, Ngandji kandi ka shikaa katutshikalaka pundju! 6 One lakashikike kete ladiku diʼashi, Ngandji kandi ka shikaa katutshikalaka pundju! 7 One lakatungi esasi a waki, Ngandji kandi ka shikaa katutshikalaka pundju! 8 Unya dia mbulela la yanyi, Ngandji kandi ka shikaa katutshikalaka pundju! 9 Ngondo la toto dia mbulela lʼutshu. Ngandji kandi ka shikaa katutshikalaka pundju! 10 One lakadiakela asi Edjibitu anʼawo wa nundu, Ngandji kandi ka shikaa katutshikalaka pundju! 11 One lakatundja Isariyele uma lʼatei awo, Ngandji kandi ka shikaa katutshikalaka pundju! 12 La lunya la wulu ndu lʼusimbwi, Ngandji kandi ka shikaa katutshikalaka pundju! 13 One lakatanya Uduwa a Tilili, Ngandji kandi ka shikaa katutshikalaka pundju! 14 Ndi aketsha Isariyele lʼatei awo, Ngandji kandi ka shikaa katutshikalaka pundju! 15 One lakatambiya Farayo lʼului andi wʼalimbi lʼUduwa a Tilili, Ngandji kandi ka shikaa katutshikalaka pundju! 16 One lakalombola wudja andi lʼusui, Ngandji kandi ka shikaa katutshikalaka pundju! 17 One lakalembia khumi ya dikanga ya waki, Ngandji kandi ka shikaa katutshikalaka pundju! 18 Ndi akadiaki khumi ya dikanga ya wulu, Ngandji kandi ka shikaa katutshikalaka pundju! 19 Sihona, khumʼekanga ka Amora, Ngandji kandi ka shikaa katutshikalaka pundju! 20 Ndu Onga, khumʼekanga ka Bashana, Ngandji kandi ka shikaa katutshikalaka pundju! 21 Ndi akakimo kete yawo uku ukito, Ngandji kandi ka shikaa katutshikalaka pundju! 22 Uku ukito le ukambi andi Isariyele, Ngandji kandi ka shikaa katutshikalaka pundju! 23 Ndi kakatuhoka lu pa yasu, Ngandji kandi ka shikaa katutshikalaka pundju! 24 One lakatushimbela uma le atunyi asu, Ngandji kandi ka shikaa katutshikalaka pundju! 25 Ndi katushaka untu tshe mbu ya nde, Ngandji kandi ka shikaa katutshikalaka pundju! 26 Nyukaki Unyashungu a lʼulungu lusaka, Ngandji kandi ka shikaa katutshikalaka pundju! |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo