Esambu 135 - La Bible en Otetela (Bible K'Ekila) 1991

Wuki wa Latuyalaka la Anyanya wa Dikishi

¹ Nyandulaki Latuyalaka! Nyutumbuli lukumbu landi, Nyutumbuli Latuyalaka, nyu ekambi andi,

² Watemalaka lu luudu la Latuyalaka, Lu aseke wa luudu la Unyashungu asu!

³ Nyutumbuli Latuyalaka, ne dia ndi eko ololo. Nyimbelaki lukumbu landi esambu, ne dia lo leli dimena.

⁴ Latuyalaka akayasonwela Jakoba, Isariyele, dia ndjala andi hita.

⁵ Dimi mbeyaka nti: Latuyalaka eko wuki, Khumesu eko ladiku dia ditemolatemola tshe.

⁶ Kene katongenyangenyaka Latuyalaka, katundutshaka, Lʼulungu ndu la kete, Lu ashi a waki ndu lu angunda tshe.

⁷ Ndi katumbiyaka wangi uma lu kuma ya kete, Katutumaka angadimu lu mvula, Katutundjala lopepe uma lʼeumbelu kandi.

⁸ Ndi akadiaki ana wa nundu wa lʼEdjibitu, Ndu wʼantu ndu wa nyama.

⁹ Ndi kakatumi tulimbitelu la akambu wa mamba lʼatei aye, we Edjibitu, Le Farayo, ndu le ekambi andi tshe!

¹⁰ Ndi kakalembia wedja efula, Kakadiaki khumi ya dikanga ya wulu:

¹¹ Sihona, khumʼekanga ka Amora; Onga, khumʼekanga ka Bashana, Ndu waulelu tshe wa Kanana.

¹² Ndi akakimo kete yawo uku ukito le Isariyele, Uku ukito le wudja andi.

¹³ We Latuyalaka, lukumbu laye latutshikalaka pundju, We Latuyalaka, euhwelu kaye katutshikalaka lu nonga tshe.

¹⁴ Latuyalaka ayulumbuya wudja andi, Ku ndi ayolemba utema le ekambi andi.

¹⁵ Dikishi dia wedja diatutshamaka la fesa la paunyi, Elimu wʼanya wʼantu mbedio.

¹⁶ Dio la enyo, keli hadioteketa; Dio la ashu, keli hadienyi;

¹⁷ Dio la atui, keli hadiuki; Dio hadiutohengaka.

¹⁸ Waku watudiselaka, wayufana la dio, Ee, ndu wane tshe watudiekumaka.

¹⁹ Khumbu ka Isariyele li, nyutumbuli Latuyalaka! Khumbu ka Arona li, nyutumbuli Latuyalaka!

²⁰ Khumbu ka Lewi li, nyutumbuli Latuyalaka! Nyu wane watukaka Latuyalaka woma, nyutumbuli!

²¹ Latuyalaka, ludjashi la Jerusalema, Atumbwami uma la Siona! Nyandulaki Latuyalaka!