Esambu 124 - La Bible en Otetela (Bible K'Ekila) 1991

Diandu ne Dia Ehandelu kʼUma le Atunyi

¹ Kakiane Isariyele ati ati: Utunduyala Latuyalaka kundjala lu wedi asu,

² Ee, utunduyala Latuyalaka kundjala lu wedi asu, Lamʼakunela antu dia ntolosha,

³ Tshiki atunyi asu watutomena epiko tasena, Lamʼakawatudunganela la kele;

⁴ Tshiki ashi wututukhukume, Ndu ekedi wutokela ladiku diʼetema asu;

⁵ Tshiki asukhu wʼashi wa pedu wutokela ladiku diʼetema

⁶ Latuyalaka atumbwami, Ndʼako laki kuntukimo le wo uku nyama kambundama!

⁷ Nyumu yasu yakahandi uku atuhandaka fudu uma lu djunga yʼumambi. Djunga yakalana, ku shu takahandi.

⁸ Ekimanyelu kasu keko lu lukumbu la Latuyalaka, Lakatungi ulungu la kete.