Esambu 120 - La Bible en Otetela (Bible K'Ekila) 1991Dombelo Dia Mpanda Uma le Akesanyi 1 Dimi Iakalelela Latuyalaka lamʼakimi lʼasui, Ku ndi akambukela. 2 We Latuyalaka, ushimbeli utema ami uma lʼelomo wa kashi, Ndu uma lu lulimi la lukesu! 3 We kanga lulimi la lukesu, Kayuwukusha, kayuwukutshela na? 4 Pitu ya sodi ya andoshi wa ta, Kame la akalanga wa dja wa woto. 5 Omenyi fono mbemi dia mpanga la Mesheke, La dia mbidjase lʼatei a mvudu ya Kedara! 6 Lumu lami lambuyala edja Lasuki la waku watuhetshaka ki. 7 Dimi latulangaka ki, keli lamʼatumoteketaka, Ku vo watutungaka ta. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo