Esambu 118 - La Bible en Otetela (Bible K'Ekila) 1991

Lusaka ne Dia Panda ka Latuyalaka

¹ Nyukaki Latuyalaka lusaka ne dia ndi eko ololo, Ne dia ngandji kandi ka shikaa katutshikalaka pundju!

² Isariyele ati ati: Ngandji kandi ka shikaa katushikalaka pundju!

³ Khumbu kʼArona wati vati: Ngandji kandi ka shikaa katutshikalaka pundju!

⁴ Wane watukaka Latuyalaka woma wati vati: Ngandji kandi ka shikaa katutshikalaka pundju!

⁵ Uma lu dihuli dia wulu, mbakameti Latuyalaka, Ku ndi akambukela, akankitsha lu dihuli dia hwe.

⁶ Latuyalaka eko la mi wedi, handjuka woma. Kayeya untu ntshelami?

⁷ Latuvalaka eko lu wedi ami, kame la waku watunkimanyiaka. Osoku mbayumena kene kalangami le waku watumpetshaka.

⁸ Dia nyanga eshamelu le Latuyalaka, Ambuleka mbekama le antu ololo.

⁹ Dia nyanga eshamelu le Latuyalaka, Ambuleka mbekama le ewandji a waki ololo.

¹⁰ Wedja tshe watunyingaka, Lu lukumbu la Latuyalaka, mbayumashila ushiki.

¹¹ Vo watunyingaka, ee, watunyingaka. Keli lu lukumbu la Latuyalaka, mbayumashila ushiki.

¹² Vo watunyingaka uku ndjui, Watutshumbamaka uku dja yʼatende. Lu lukumbu a Latuyalaka, mbayumashila ushiki.

¹³ Dimi lakambama wulu. Keli Latuyalaka akankimanyiya.

¹⁴ Latuyalaka eli wulu ami ndu diandu diami; Ndi kakanshimbela.

¹⁵ Dielu diʼongenongeno la panda diatuyalaka lu mvudu yʼantu wʼololo. Lunya la pami la Latuyalaka latutshaka akambu wa mamba!

¹⁶ Lunya la pami la Latuyalaka latediamaka! Lunya la pami la Latuyalaka latutshakaka akambu wa mamba!

¹⁷ Dimi haluvo, layulumbaka, Layusanyaka dia elimu wa Latuyalaka.

¹⁸ Latuyalaka akansuya wulu, Keli kundjakami.

¹⁹ Undjihweli kuki yʼamena yʼetemwelo. Dimi layoto loko, layukaka Latuyalaka lusaka.

²⁰ Lukuki la Latuyalaka lone. Antu wʼololo mbatotoka loko.

²¹ Dimi layukukaka lusaka ne dia we akambukela, Akanshimbela.

²² Dive diakatuni ambiki a luudu, Diakayala dive dia wuki dia lu tshuku.

²³ Dikambu ne diambutshama uma le Latuyalaka. Dio dieli mamba lu ashu asu.

²⁴ Lushi lakatungi Latuyalaka lone. Shu tayongenangena, tayuyala la ongenongeno utamanya lushi lako.

²⁵ We Latuyalaka, shu tambukosengasenga shati: Utushimbeli kakiane! Latuyalaka li, shu tambukosengasenga shati; Utuhumuya lukulu lʼolo!

²⁶ One luyi lu lukumbu la Latuyalaka, atshokwami! Shu tambunyotshokola uma lu luudu la Latuyalaka.

²⁷ Latuyalaka eli Unyashungu, ndi atutushaka usasi. Nyukeleki ulambu wa lutshumba lʼekodi, Nyukeleki lu seki yʼediakelu!

²⁸ We keli Unyashungu ami, dimi layukukaka lusaka. We keli Unyashungu ami, layukutumbulaka.

²⁹ Nyukaki Latuyalaka lusaka, ne dia ndi eko ololo, Ne dia ngandji kandi ka shikaa katutshikalaka pundju.