Esambu 114 - La Bible en Otetela (Bible K'Ekila) 1991

Akambu wa Mamba wʼEtumbelu

¹ Lamʼakatumbi Isariyele uma lʼEdjibitu, Lamʼakangana khumbu ka Jakoba uma lu wudja wateketa oteketa ukina,

² Juda akayala etemwelo ka Latuyalaka, La Isariyele diulelu diandi.

³ Ashi a waki wakenyi dikambu so, wakalawo, La ashi wa Jorodana wakakele edikudiku.

⁴ Ekungu wakalimbolimbo uku waumi wʼekoko, Ndu akuna uku tana tʼekoko.

⁵ We, ashi a waki, ukundi ambuyulawo? Ndu we, Jorodana, ukundi ambuyokela edikudiku?

⁶ Nyu ekungu, ukundi ambunyulimbolimbo uku waumi wʼekoko? La nyu akuna uku tana tʼekoko?

⁷ We kete, udidimaki la ntundu ka Khumadiondjo, Ee, la nitundu ka Unyashungu a Jakoba,

⁸ Lakakadimula dive ungunda wʼashi, La dive dia lunyu eteko kʼashi.