Esambu 113 - La Bible en Otetela (Bible K'Ekila) 1991Diandu ne Dia Embiyelu ka Kanga Ndjakitshakitsha 1 Nyandulaki Latuyalaka! Nyu ekambi wa Latuyalaka, nyuwandulaki, Nyandulaki lukumbu la Latuyalaka! 2 Lukumbu la Latuyalaka latumbwamaki Kakiane ndu pundju! 3 Lukumbu la Latuyalaka latumbwami, Uma lʼehutwelu edja ndu lʼedjelu ka unya! 4 Latuyalaka eli ladiku dia wedja tshe, La lutumbu landi ladiku diʼulungu. 5 Akona edimi la Latuyalaka, Unyashungu asu? Ndi katudjaseka ladiku lu kiti kandi. 6 Ndi atukaka ashu andi Lʼulungu ndu la kete. 7 Ndi atunyaka usi wula uma lu ditshu, Ndu omenyi fono uma lu diala. 8 Ndi atuwadjaka lu elui wʼantu a waki, Ee, kame lʼana wa khumi ya dikanga. 9 Ndi atushaka umuntu lʼekumba diwutshi, Atuweteka umbutshi wʼongenongeno lʼatei wa anʼandi. Nyandulaki Latuyalaka! |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo