Esambu 112 - La Bible en Otetela (Bible K'Ekila) 1991

Engonelo ka One Latukaka Latuyalaka Woma

¹ Nyandulaki Latuyalaka! Untu latukaka Latuyalaka woma atuyalaka la otshoko. Ndi katongenangenaka utamanya lʼelembe andi.

² Tukanula tandi wayuyala akanga a wulu la kete. Lolonga lʼantu wʼololo wayuyala lʼotshoko.

³ Diese la ongonyi weko lu luudu landi, Ku ololo andi atutshikalaka pundju.

⁴ Lu dikambu dia untu ololo usasi atohetaka lʼudjima, Le one leli uluwanyi, luludi too la ketshi la ngandji.

⁵ One latukanaka ketshi, ndu latosondjanyaka, Atuyalaka lʼongenongeno. Ndi ayutshaka akambu andi la sambu kʼololo.

⁶ Untu ololo hayusutshasutshama, La euhwelu kandi katutshikalaka pundju.

⁷ Ndi hayuka kumu ya kolo woma. Utema andi ambukikitala, atekamaka le Latuyalaka.

⁸ Utema andi ambushikikala, ndi hayuka woma, Edja ndu lamʼayundena kene kalangandi le atunyi andi.

⁹ Ndi atukahaka, atushaka ahumbi. Sambu kandi kʼololo katutshikalaka pundju. Ote andi ayediama la lutumbu.

¹⁰ Lamʼayena untu a kolo dikambu ne, ndi ayuka kele. Ndi ayokeketanya anyu, ayushisho. Lulangu lʼuntu a kolo layushila.