Biblia Todo Logo
Bìoball air-loidhne

- Sanasan -

Esambu 108 - La Bible en Otetela (Bible K'Ekila) 1991


Dombelo dia Ndeka Utunyi Wulu
( Esam. 57:7-11 ; 60:5-12 )

1 Unyashungu li, utema ami ambukikitala! Dimi layimbaka esambu, Ee, layimbaka esambu la wulu ami tshe.

2 Dikimbi diami la losese lami, nyemo! Dimi dime layeto la kesekese.

3 Latuyalaka li, dimi layukutumbulaka lʼatei antu! Dimi layukimbelaka esambu wa diandu lʼatei a wedja,

4 Ne dia ngandji kaye ka shikaa nkumaka pulu ndu lʼulungu, La kolamelu yaye pulu ndu lu wangi.

5 We Unyashungu, utumbwami ladiku diʼulungu! Lutumbu laye layali ladiku dia kete tshe.

6 Utukeli, utushimbeli la lunya laye la pami, Dia elangimi aye ntshungwama.

7 Unyashungu kata lʼekila kandi ati: Layongenangena, Layukahanya Shekeme, ndu layukaha ukidi wa Sukota.

8 Ngiliyade kami keto, ndu Manase kami. Efarayima eli ukumbo wʼote ami, Juda keli danga diami dia diulelu;

9 Moaba keli donga diami dia mboka; Ladiku dia Edome kayumukadja sabata yami; Layudja dielu diʼongenongeno ladiku dia Filistiya!

10 Akona ayunkumia lʼusumba a wulu? Akona atonombola utsha lʼEdome?

11 Unyashungu li, aha we kakatusukula? Unyashungu li, we hayutsho kame lʼelui asu wʼalimbi!

12 Utukimanyia dia nembia utunyi, Ne dia ekimanyelu kʼuma le untu keli anyanya.

13 Uma le Unyashungu, mbayutuyala andeki wʼutamanya, Ne dia ndi ayukamela atunyi asu la tshina diʼakaka andi.

La Bible en Otetela © Allianee Biblique de la Republique Democratique du Congo, 1991 

Bible Society of the Democratic Republic of Congo
Lean sinn:



Sanasan