2 Samuele 7 - La Bible en Otetela (Bible K'Ekila) 1991

Daka dia Unyashungu le Davidi

¹ Lamʼakadjase khumʼehanga lu luudu landi, ndu lamʼakashidiya Latuyalaka mbusha mumuya uma le atunyi anditshe wakudingi,

² kbumʼekanga akatela umvutshi Natana ati: Enda, dimi lambu-djase lu luudu lʼetamba wʼesasi, keli oshete a Unyashungu weki lu luudu la dipema.

³ Natana akûkaluya diui ati: Utshu, ututshi tshe keli lʼutema aye ne dia Latuyalaka eli la ye.

⁴ Ku utshu wa lushi lako diui dia Latuyalaka diakayi le Natana ati:

⁵ Tshoka tuteli ukambi ami Davidi wati: Laiuyalaka kata ati: Undi, we kayumbikela luudu la dimi mbidjase?

⁶ Umaka lushi lakamatundja asi Isariyele uma lʼEdjibitu edja ndu elo, dimi latadjase lu luudu la hikaa. Keli laketetaka lu luudu la dipema, lakatadjaseka lu etemwelo ka dipema.

⁷ Undi, lu ahuli tshe wakamatakendakendaka lʼasi Isariyele tshe, dimi lakatela umbadi omotshi wa Isariyele wakamadji ulami a wudja ami wa Isariyele nti: Okoko wana wahanyampikela luudu la etamba wʼesasi?

⁸ Kakiane ututeli ukambi ami Davidi wati: Latuyalaka Kanga Elui wʼAlimbi, kata ati: Dimi lakakose ima lʼusui, lene akayalamaka ekoko dia we ndjala uwandji a wudja ami Isariyele.

⁹ Dimi laki la ye lu ahuli tshe wakayatshokaka, lakatshanya atunyi aye tshe uma la ntundu kaye. Dimi layete lukumbu laye wuki uku kumbu yʼantu a waki wa la kete.

¹⁰ Dimi layosonwela wudja ami Isariyele dihuli, layashikike dia vo mbidjase lu dihuli dia shikaa, aha mpenyahenyama ntu. Akanga a ngala hawuwasuya ntu uku akawasuyaka nshi ya ntundu,

¹¹ umakʼetena kakamadji embadi lu wudja ami wa Isariyele. Dimi layukusha mumuya uma le atunyi aye tshe. Dikambu dikina, Latuyalaka, ambukutela ati: Latuyalaka ayukutunga khumbu.

¹² Lamʼayukuka nshi yaye, we ayutsho le washo. Dimi layunyia onʼaye lʼokongo aye, one lakayuti weme; ku layushikike diulelu diandi.

¹³ Ndi kayuhikela lukumbu lami luudu. Dimi layushikike kiti kandi ka diulelu pundju.

¹⁴ Dimi layuyala shi, la ndi ayuyala onʼami. Naka ndi ayutsha kolo, dimi layusuya la ohehela wʼantu, ndu la wimbo wʼana apami wʼantu.

¹⁵ Keli dimi haminyaki nganoji kami ka shikaa uma le ndi, uku akamakinya uma le Saulu, lakama kunyia la ntundu kaye.

¹⁶ Khumbu kaye la diulelu diaye wayuyala wulu pundju la ntundu kami. Kiti kaye ka diulelu kayushikikala pundju.

¹⁷ Natana akatela Davidi aui aso tshe la enelo kako tshe.

¹⁸ Ku khumʼekanga Davidi akatshu, akatuyaenya la ntundu ka Latuyalaka akati ati: Khumadiondjo Latuyalaka li, dimi leli na, ndu khumbu kami keli na, dia we nombolami edja ndu kakiane?

¹⁹ We Khumadiondjo Latuyalaka, dikambu ne diaki tshitshe lu ashu aye, keli we ambuta ndu dia khumbu kʼukambi aye ne dia etena ka wuki kayayi ndu ambomenya akambu wa nonga yahatayi, we Khumadiondjo Latuyalaka!

²⁰ Kakona kukul Davidi nkutela? We mbeyaka ukambi aye Davidi, we Khumadiondjo Latuyalaka!

²¹ Ne dia daka diaye, ndu uku eli utema aye, mbakayatshi akambu ane tshe a waki, dia mbashwela ukamoi aye.

²² Okone we keli wuki, we Latuyalaka, Unyashungu. Uku aui tshe wakatuki lu atui asu, nduku ledimi la yi nduku Unyashungu weko, paka we.

²³ Undi, wudja omotshi weko la kete, weli uku wudja aye Isariyele, wakayashimbela dikambu diaye? Wudja wakayayatungela lukumbu, wakayatshi tulimbitelu ta waki la akambu wa mamba dikambu diaye, ndu dikambu dia kete yaye, lamʼakayatshanya wedja la ditemolatemola diawo la ntundu ka wudja aye?

²⁴ We akashikike wudja aye Isariyele, dia vo ndjala wudja aye pundju. We Latuyalaka akayala Unyashungu awo.

²⁵ Kakiane, we Latuyalaka, Unyashungu, ushikike diui diakayatshi dikambu dia ukambi aye, la dia luudu landi pundju. Utshi uku diui diaye.

²⁶ Lukumbu laye latumbwami pundju, ati: Latuvalaka Kanga Elui wʼAlimbi, eli Unyashungu wa Isariyele! Luudu lʼukambi aye Davidi lashikilali la ntundu kaye.

²⁷ We Latuyalaka, Kanga Elui wʼAlimbi, Unyashungu wa Isariyele, ambenya ukambi aye wati: Dimi layu-kutunga khumbu! Diako mbambutana ukambi aye dihunga dia nkolomba elombelo kene.

²⁸ Khum liondjo, Latuyalaka li! we keli Unyashungu. Aui aye weli mete. We ambulaka ukambi aye dikambu ne diʼololo.

²⁹ Kakiane, tawo ntshokola khumbu kʼukambi aye dia to ntshikala la ntundu kaye pundju! We Khumadiondjo Latuyalaka kambuta osoku. Uma lʼotshoko aye, khumbu kʼukambi aye katshokwami pundju!