2 Ekondo 3 - La Bible en Otetela (Bible K'Ekila) 1991

Solomona Ambuhika Luudu la Latuyalaka

¹ Solomona akatatela mpika luudu la Latuyalaka la Jerusalema ladiku diʼUkungu a Moriya, lene akene Latuyalaka le Davidi, shi, m dihuli diʼesuswelu ka Oronana, usi Jebuse diakatalongosodi Davidi, shi.

² Ndi akatatela luhika lu lushi la hendi la ngondo ka hendi, lu eleku ka nei ka diulelu diandi.

³ Onʼeli atshina wakahiki Solomona luudu la Unyashungu ladiku diawo. Utali alo lu yediko yʼedjedja kubita akumi asamalu, la wuki kuhita akumi ahendi.

⁴ Mbalasa kʼl tsha la ntundu kaki la kubita akumi ahendi, uku wuki a luudu, wemema alo kubita lukama la akum ahendi. Solomona akalukumbi la paunyi ka pudipudi lʼetei.

⁵ Ndi akakumbi luudu luleki wuki lʼabaya wa wʼeoto wakandayukumba la paunyi ka pudipudi; akasangi atuku la molola loko.

⁶ Ndi akalenge luudu la mboko yʼave yʼushinga a wulu. Paunyi yaki paunyi yʼuma la Paravayima.

⁷ Ndi akakumbi luudu, esimbi alo, mbalasa kale, peli dia lʼatei ndu kuki yalo la paunyi. Ndi akasangi akeruba lu peli dia lʼetei.

⁸ Ndi akatshi luudu luleki ekila; utali alo kubita akumi ahendi uku wuki a luudu, la wekeki alo aki kubita akumi ahendi. Ndi akalukumbi la paunyi ka pudipudi yediko ya talata kama shamalu.

⁹ Wutshu wa seti waki shekele otoi lu toshekele akumi atanu ta paunyi. Ndi akakumbi tundju ta ladiku la paunyi.

¹⁰ Ndi akatshi akeruba ahendi, wakandasangi lʼutshimo lu dihuli diʼekila; wakakumbi la paunyi.

¹¹ Ahafu wʼake ruba waki la utali wa kubita akumi ahendi. Dihafu dia okeruba wa ntundu diaki kubita tshanu lʼutali. Dio diakakumi pulu ndu lʼeheli ka luudu. Dihafu dikina diaki kubita tshanu diakatumamana la dihafu dia okeruba wa hendi.

¹² Dihafu diʼokeruba wa hendi diaki la utali wa kubita tshanu. Dio diakakumi pulu ndu lʼeheli ka luudu. Dihafu dikina diaki kubita tshanu. Dio diakatumamana la dihafu diʼokeruba wa ntundu.

¹³ Ahafu wʼakeruba ako wakasimbimadi waki la utali wa kubita akumi ahendi. Akeruba ako wakemadi la ekulu awo weledi utsha lu luudu.

¹⁴ Ndi akatshi dihondo diʼudima, diʼengengi, dia tilili, la dia linene lʼololo. Ndi akasangi akeruba loko.

Dikoho Pendi

¹⁵ Ndi akatshi dikoho pendi diaki la utali wa kubita akumi asatu la tshanu la ntundu ka luudu. Utali wʼote waki ladiku dia ekoho lʼekoho waki kubita tshanu.

¹⁶ Ndi akatshi molola uku ene waki lu luudu lʼekila, akawedja lu ete wa dikoho. Ndi akatshi difanelu dia dikomi diʼetamba lukama, akadidji lu molola.

¹⁷ Ndi akeme dikoho diako la ntundu kʼetemwelo: kemotshi lu lunya la pami, la kekina lu lunya la lomoso. Ndi akole kene kaki lu lunya la pami ati: Jakina (kitshimudi ati: Ndi ayukikitsha), la kene kaki lu lunya la lomoso ati: Boaza (kitshimudi ati: Leko keli wulu).