1 Timote 5 - La Bible en Otetela (Bible K'Ekila) 1991

Ekende wa Timoie: Dia Nteketa Ololo le Antu Tshe

¹ Tuhangwelaki ekumanyi, keli osenge-senge uku she; ndu elongo wʼapami, uku ananyo,

² ndu dikumanyi diʼamar tu, uku wanyo; ndu esekaseka wʼamantu, uku akadiyeye, la pudipudi tshe kʼutema.

Dia Nlshela Wadi Waki Edu wa Mete

³ Olemia wane weli wadi waki edu mete.

⁴ Keli naka wadi aki udu eko la ana kana ekana, vo wateki dia menya khumbu kawo ngandji ndu dia nkaluya ololo le ambutshi awo, ne Jia dikambu diako dieko ololo lu ashu a Unyashungu.

⁵ Umuntu leli wadi aki udu mete, ndu Iʼokei, atulungamelaka le Unyashungu, atutetemalaka nsengasenga la nomba ndu lʼutshu ndu la yanyi.

⁶ Keli one latuyakimoka dia ndjangenyangenya, eko udu lamʼekindi la lumu.

⁷ Uwateli akambu ane, dia vo ndjala aha la unungu.

⁸ Keli naka untu humbi wane wuto la ndi, djekaleka wa lu khumbu kandi, ndi ambutuna mbetawo kandi, ambuleka untu lahetawo kolo.

Dia Mbewo Wadi Waki Edu wʼEsekaseka

⁹ Tufundaki nduku umuntu uku wadi aki udu lu mukanda, naka ndi atakuki deku akumi asamalu, ndu taki wadi a pami otoi.

¹⁰ Keli we mbeyaka nfunda umuntu, naka ndi la lukumu lʼelimu wʼololo; naka ndi akudia ana, naka ndi akatshelaka angendangenda ololo, naka ndi akotshaka ekulu wʼekilami, naka ndi akakimanyiaka antu waki la asui, naka ndi akatetemala ntsha elimu wʼololo tshe.

¹¹ Keli utuni esekaseka weli wadi waki edu, ne dia vo wayutakwela Kristu, wayulanga ntshukama ntu.

¹² Okone wayanyema, ne dia vo wakatuni daka diawo dia ntundu.

¹³ Ntu wayeya ndjala la tusuasua, wayukindula lu luudu la luudu. Vo hawuyala la tusuasua tutu, keli wayuyala la shonganya la esaku; wayuta aui wahawakuki mvuta.

¹⁴ Okont dimi nangaka esekaseka weli wadi waki edu watshukami, wuti ana, waluwanya mvudu yawo, tawenyaki utunyi dihuli dia mba-songwela,

¹⁵ ne dia amotshi wambetolaka utsha le Satana.

¹⁶ Naka umuntu omotshi, kanga mbetawo, mbukanaka la wadi waki edu, ndi akimarvia, ekelizia tayalaki la wutshu uku. Okone vo wayeya lama nkimanyia amantu weli wadi waki edu mete.

Dia Nemia Dikumanyi

¹⁷ Dikumanyi diatolombolaka ololo, dialeki nemiama. Wane watutshaka ulimu wa nsambisha ndu wa mbetsha wale-miami utamanya.

¹⁸ Ne dia afundelu ambuta ati: Tukelekaki engo lʼunyo a ngombe lamʼakamakamelato wuhu dia mbususula; ndu ati: Usi ulimu nkukaka nungula difutu diandi.

¹⁹ Tetawoki eso-ngwelo le ekumanyi, tshikima lʼenyo wa emenyi ehendi kana esatu.

²⁰ Uhunweli atshi wa kolo iu ashu wʼantu tshe, ne dia antu akina wuki woma.

²¹ Dimi lambu-kokokomiya lu ashu a Unyashungu, ndu wa Kristu Jesu, ndu wʼandjelo wakasonama, dia we ntsha akambu ane aha la wekamu. Tutshaki nduku dikambu la shonodi!

²² Tokomolaki untu esadi. Totoki lu kolo yʼantu akina, uyali la utema a pudipudi.

²³ Tokolamelaki no ashi atu, keli konoki ndu tema ta wanu, dikambu dia dikundju diaye ndu dia tukandjikandji taye tena tshe.

²⁴ Kolo yʼantu amotshi meneka lu ashu wʼantu, kuyanga yatatumbi lʼelumbwelu; kolo yʼantu akina yatenamaka lʼokongo.

²⁵ Ndu etsha wʼololo emotshi menamaka lu ashu wʼantu wuhu ako, ku ene wahe-nama lu ashu wʼantu, haweyi mbishama pundju.