1 Timote 2 - La Bible en Otetela (Bible K'Ekila) 1991

Olombelaki Embuledi Unyashungu

¹ Dimi lambukokomiya, la ntundu kʼakambu tshe, nti: Osengesengelaki antu tshe, alombelaki, ateketelaki, uwau-kelaki lusaka;

² ndu khumi ya dikanga ndu wane weli lu ahuli wa ladiku tshe, dia shu ndjala la lumu la memakana ndu ki lu akambu wʼololo tshe la wa kenemo.

³ Dikambu ne dieko ololo, ndu mbetawo-maka lu ashu wa Unyashungu, Ushi-mbedi asu.

⁴ Ndi nangaka antu tshe nshimbamela ndu nkuma lu ewu ka mete.

⁵ Ne dia Unyashungu wame mbeko, ndu oteketedi wame lʼasa Unyashungu la antu; untu kendi, Kristu Jesu.

⁶ Ndi akayakimo dia ntshungula antu tshe. Dikambu ne dieyami lu tena diadio.

⁷ Wakambidji usambisha la utumami a dikambu ne (lambuta mete, halati kashi), ndu umbetsha wʼasi wedja lu mbetawo ndu lu akambu wa mete.

Wetshelu le Amantu: Ndjakitshakitsha

⁸ Okone dimi nangaka apami nomba lu ahuli tshe, wedia anya wʼekila waha la kele la tamu.

⁹ Okone ndu amantu walote ahondo kʼahondo, la wolamu la memakana. Vo tawelaki divu, tawolotaki paunyi kana mboko yʼakeso kana ahondo wʼushinga a wulu

¹⁰ keli vo wayali amantu watsha elimu wa Unyashungu uma lu elimu wʼololo.

¹¹ Umuntu eki akambu la ki la ndjakitshakitsha tshe.

¹² Keli haletawo umuntu mbetsha kana mbahamela pami, keli ndi alembohali ki.

¹³ Ne dia Adama akatungama ntundu ku Eva lʼokongo.

¹⁴ Adama kumpimbama, keli umuntu. Lamʼaka-ndahimbama, ndi akako lu dikambu dia kolo.

¹⁵ Keli nd, ayushimbamela lu diutelu dia ana, naka vo wayokolamela lu mbetawo la lu ngandji la lu ekidiamelu kame la memakana.