1 Timote 1 - La Bible en Otetela (Bible K'Ekila) 1991

Ambutumela Moyo

¹ Paulu, utumami a Kristu Jesu uku olembe a Unyashungu Ushimbedi asu, la Kristu Jesu elungamelu kasu.

² Le Timote, onʼami la mete lu mbeta-wo: Ngandji ka mamba, la ketshi, la ki, uma le Unyashungu Shesu la uma le Kristu Jesu Khumesu, wayali la ye.

Paulu Ambutela Timote Dia Mbewula Antu Amotshi lʼEfeso

³ Lamʼakamatatshokaka utsha la Ma-kedoniya, dimi lakakosengasenga dia we ntshikala lʼEfeso, dia we mbewula antu amotshi, diaha vo mbetsha dietshelu dikina,

⁴ la diaha vo mboto lu akambu wa ekondo la wa nonga yʼantu yaha lʼekumelu, watutungaka tamu, wahaki-manyia dikambu dia Unyashungu dia lu mbetawo.

⁵ Keli ekumelu ka okende wakamakutela eli ngandji kambuya uma lʼutema a pudipudi la uma lu khumʼutema kʼololo, la uma lu mbetawo kaha la lukesu.

⁶ Amotshi wambetola uma lu akambu ane, wamboyoka oyokayoka.

⁷ Vo nangaka ndjala embetsha wʼelembe kuyanga vo hawushihudia katawo la kakokomiyawo.

“Elembe Kumbidjama Dia Antu wʼOlolo”

⁸ Keli shu mbeyaka shati: Elembe weli ololo, naka untu ambetsha.

⁹ Shu mbeyaka dikambu shati: Elembe kumbidjama dikambu diʼuntu ololo, keli waka-djama dikambu diʼandjaki wʼelembe la akanga wʼuhedia, dia wane wahetawo Unyashungu la antu wa kolo, ndu wane waha ololo la ahindudi, ndu andjaki a washewo la wʼanyengewo, ndu andjaki wʼantu,

¹⁰ ndu amunanyi, ndu atshi wʼakambu wa sonyi la apami, ndu amvuwi wʼantu, ndu akanga wa kashi, ndu wane watutshibaka lu kashi, kana dikambu dikina diutshikitanyi la dietshelu diʼololo,

¹¹ uku lukumu lʼololo la lutu-mbu la Unyashungu wʼotshoko, laka-ndankitshiya.

Paulu Ambuka Lusaka Dia Eshimbamelu Kandi

¹² Dimi lambuka Kristu Jesu Khume-su, one lakankikitsha, lusaka, ne dia ndi akambadia la kolamelu, akasonola lʼulimu andi.

¹³ Kuyanga ntundu dimi laki otenganyi, la usuyanyi la utshanedi a kolo, keli dimi lakukama ketshi, ne dia dimi lakatshaka osoku lamʼakimi ku-mbeya ndu latetawo.

¹⁴ Ngandji ka mamba ka Khumesu kakatamanya nfula kame la mbetawo, ndu ngandji keli le Kristu Jesu.

¹⁵ Diui dia kolamelu ne, ndu diakuka antu tshe mbetawo, vati: Kristu Jesu akayi la kete dia ndjushimbela antu wa kolo; wulekimi kolo.

¹⁶ Keli dia dikambu ne, mbakamukama ketshi, dia Jesu Kristu enya antu meinakana kandi tshe lʼutema ami, dimi laleki, dia dimi ndjala djimbitelu le wane wayuwe-tawo, dia vo nkundja lumu la pundju.

¹⁷ Kakiane khumʼekanga ka pundju, kaha-vu, kahenama lu ashu, Unyashungu wame, kenemo la lutumbu wayali le ndi pundju pundju! Ayali osoku!

Ambokokomiya Timote Dia Nkimela Mbetawo

¹⁸ Onʼami Timote, diui ne mbakutelami, uku aui wʼamvutshi wakawakutela ntundu, dia we mbeya ndo ta diʼololo uma lu aui ako.

¹⁹ Ukimeli mbetawo la khumʼutema kʼololo. Amotshi wakatuni aui ane, wakashisha mbetawo yawo, uku watu mbambudita lʼashi,

²⁰ Humenaya la Alesandere weko uma lʼatei awo. Dimi lakakimo le Satana, dia vo mbetsha-ma vati: Tanyotengaki Unyashungu.