Biblia Todo Logo
Bìoball air-loidhne

- Sanasan -

1 Samuele 31 - La Bible en Otetela (Bible K'Ekila) 1991


Nyoi ka Sauhi la AnʼAudi wʼApami
( 1 Ek. 10:1-12 )

1 Asi Filistiya wakalo lʼasi Isariyele ta. Asi Isariyele wakalawo asi Filistiya. Ku asi Filistiya wakatadiaka lʼukungu wa Ngiliboa.

2 Asi Filistiya wakayelana la Saulu la anʼandi wʼapami. Vo wakatudiaka Jonatana, Abinadaba la Malekishua, ana wa Saulu.

3 Ta diakaheki Saulu. Ambuki weta wakatuwunda, wakuhumuya wulu.

4 K Saulu akatela omembi andi a dihumo dia ta ati: Osomole yombo yaye. Umpiki, ne dia wane wahatahemaka ehekeli aku, watukuyumbika ehumo ndu watukuyontenga. Keli omembi andi a dihumo dia ta kunanga, ne dia ndi akandama la woma. Ku Saulu akose yombo yandi, akayahumanya ladiku diayo.

5 Lamʼakenyi omembi andi a dihumo dia ta ati: Saulu ambuvo, ndu ndi akayahumanya ladiku dia yombo yandi, akavu kame la ndi.

6 Osoku mbakavu Saulu la anʼandi apami asatu, ndu one lakatawembelaka dihumo diandi dia ta, kame la antu andi tshe etena otoi lushi lako.

7 Lamʼakenyi asi Isariyele waki lu wedi one wʼukidi ndu wa lu wedi one wa Jorodana vati: Asi Isariyele wambulawo, ndu Saulu la anʼandi wambuvo, vo wakatshiki esumba awo, wakalawo ndu vo. Ku asi Filistiya wakatshu, wakatudjase leko.

8 La wedi a pindju asi Filistiya wakatshu dia ntosa diango diaki edu. Vo wakatani Saulu la anʼandi asatu wakavwi lʼukungu wa Ngiliboa.

9 Wakahimbula Saulu ote, wakose dihumo diandi dia ta. Ku wakadianganya lukumu utsha le dikishi diawo dia lu kete tshe ya Filistiya ndu lʼatei a wudja.

10 Vo wakakitsha dihumo dia ta diaki Saulu lu luudu la WaAshitarota. Ku wakamami udu andi lu eheli ka Bete-Shana.

11 Lamʼakuki asi Jabeshe-Ngiliyade lukumu uku akatshela asi Filistiya Saulu,

12 apami wa dihunga tshe wakunela, wakatshu utshu utu. Vo wakatunya udu wa Saulu la edu wa anʼandi lu peli dia la Bete-Shana. Ku vo wakakalula la Jabeshe, wakatutshumba edu awo leko.

13 Vo wakose weka awo, wakekhunde la Jabeshe la tshina diʼuvungu. Ku vo wakakili mbu ya nde nshi esambeli.

La Bible en Otetela © Allianee Biblique de la Republique Democratique du Congo, 1991 

Bible Society of the Democratic Republic of Congo
Lean sinn:



Sanasan