Biblia Todo Logo
Bìoball air-loidhne

- Sanasan -

1 Samuele 27 - La Bible en Otetela (Bible K'Ekila) 1991


Davidi Ambudjase lʼatei wʼAsi Filistiya

1 Davidi akati lʼutema andi ati: Dimi layulanyetna lushi lomotshi lu anya wa Saulu. Nduku dikambu aia yuleka ololo le mi uku dia dimi ndawo utsha lu kete yʼasi Filistiya. Ku Saulu ayukimo nyangami lu beke tshe dia Isariyele. Osoku mbayumuhanda uma lu lunya landi.

2 Ku Davidi akunela, ndi la apami kama shamalu waki kame la ndi. Vo waketi laka Akishi, onʼa Maoka, khumʼekanga ka Ngata.

3 Davidi la alimbi andi wakatshiknla la Ngata, laka Akishi. Vo tshe untu Lʼuntu aki la khumbu kandi. Ndu Davidi aki la wadiendi ahendi, Ahinoama, usi Jezerele, la Abingayili, usi Karamele, wadi aki Nabala.

4 Wakatutela Saulu vati: Davidi akalawo la Ngata, ku ndi akakimo mbuyanga.

5 Davidi akatela Akishi ati: Naka lakahumo lukulu lʼolo lu ashu aye, antu aye wambisha dihuli dia dimi mbidjase lʼusumba omotshi wa lu kete yanyu. Ukundi ukuki ukambi aye mbidjase la ye kame lʼusumba wa khumʼekanga na?

6 Ku lushi lako, Akishi akawusha Zikilange. Diako mbakayala khumi ya dikanga ya Juda akanga wa Zikilange edja ndu elo.

7 Davidi akadjase lu kete yʼasi Filistiya eleku otoi la ngondo nyei.

8 Davidi la alimbi andi wakatshokaka dia ntumba asi Ngeshure, asi Ngezere, la asi Amaleka. Wedja ako mbakadjashi ntundutundu lu kete yako, uma la wedi wa Shura edja ndu lu kete ya Edjibitu.

9 Davidi akalanya kete yako, kuntshika nduku untu la lumu, ndu apami ndu amantu. Ndi akose ngombe, punda, ka-melo, eloto, ku ndi akakalula, akatshu utsha laka Akishi.

10 Lamʼakambula Akishi ati: Asi na wakanyatumba elo? Davidi ututa ati: Shu takatumba Nengebe ka la Juda, kana Nengeb kʼasi Jeramele, kana ati: Nengebe kʼasi Kene.

11 Davidi kuntshika nduku untu la lumu, ndu apami ndu amantu, dia mbaela la Ngata. Ndi akakani ati: Vo mbeyaka ntuta dikambu diasu vati: Okone la okone mbakatshi Davidi. Osoku mbakandatshaka nshi tshe yakandadjashi lu kete yʼasi Filistiya.

12 Akishi akayala la mbetawo le Davidi; akati ati: Ndi ambuyaete engo ka wononyi le wudja andi Isariyele. Okone ndi ayuyala ukambi ami pundju.

La Bible en Otetela © Allianee Biblique de la Republique Democratique du Congo, 1991 

Bible Society of the Democratic Republic of Congo
Lean sinn:



Sanasan