1 Joani 1 - La Bible en Otetela (Bible K'Ekila) 1991

Diui DiʼEtatelu

¹ Akambu ane waki umaka etatelu. Shu takawauki, takawaenyi lu ashu asu, takawaendaka ndu takawanandaka la anya asu, wa diui dia lumu —

² Lumu lone lakenama le su, shu takalenyi, tatunyuliunwelaka, tatunyutelaka dikambu dia lumu lako la pundju, laki le shesu, lakenama le su —

³ Akambu wakatenyi la wakatuki mbanyutelasu, dia nyu mbekesanela la su. Mete, ekesanelu kasu keko le Shesu la le Onandi Jesu Kristu.

⁴ Shu tambunyufundela akambu ane dia ongenongeno asu ndjala kukeli.

“Unyashungu. Eko Yanyi; Nyokendakendaki lu Yanyi”

⁵ Diui ne diakatuki Snma le ndi mbanyutelasu shati: Unyashungu eko yanyi, udjima kema le ndi.

⁶ Naka shu tayuta shati: Shu tambekesanela la ndi lamʼakendakendasu lu udjima, ku shu tambuta kashi, hatutshi akambu wa mete.

⁷ Keli naka shu tatokendakendaka lu yanyi, uku wendi lu yanyi, keti shu tambekesanela kame, ndu dikila dia Jesu Onʼandi diambutedia uma lu akambu wa kolo tshe.

⁸ Naka shu tambuta shati: Shu kema la kolo, shu tambuyadimbiya, akambu wa mete kema lʼetema asu.

⁹ Naka shu tambushula kolo yasu, ndi eko la kolamelu la ololo wa ntudimanyia kolo yasu, la ntedia uma lu kolo tshe.

¹⁰ Naka shu tambuta shati: Shu kuntsha kolo, keti tambuwete kanga kashi, la diui diandi kema lu etema asu.