1 Ekondo 24 - La Bible en Otetela (Bible K'Ekila) 1991

¹ Elui wʼasika Arona ane. Ana apami wa Arona ane: Nadaba, Abihu, Eleazara la Itamana.

² Keli Nadaba la Abihu wakavu la ntundu ka shewo atavu, vo kumbuta ana. Okone Eleazara la Itamara mbakatshaka ulimu wʼolombedi.

³ Davidi, Zadoka, usi diuhu dia Eleazara, la Ahimeleke, usi diuhu dia Itamara, wakakahanya asika Arona lu elimu wakawahumbi ntsha.

⁴ Ewandji wakawatani lʼatei wʼasika Eleazara wakaleki wa lʼatei wʼasika Itamara efula. Diako mbakawakahanya okone: ewandji dikumi la esamalu, ete wa khumbu ya washewo lʼatei wʼasika Eleazara; la ewandji enanei, ete wa khumbu ya washewo, lʼatei wʼasika Itamara.

⁵ Vo wakakahanyema vo tshe wuhu otoi lu eukelu kʼuwali, ne dia asika Eleazara la asika Itamara waki ewandji wʼetemwelo, ndu ewandji wa Unyashungu.

⁶ Ufundji Shemaya, onʼa Netanele, uma lu diuhu dia Lewi, akafundi kumbu la ntundu ka khumʼekanga, ewandji, olombedi Zadoka, la Ahimeleke, onʼa Abiyatara, ndu ka ete wa khumbu ya washewo, elombedi la wa asi Lewi. Vo wakukela khumbu yʼasika Eleazara la khumbu yʼasika Itamara uwali, otoi lʼotoi.

⁷ Eukelu ka ntundu kakandi Jehoyariba; ka hendi Jedaya;

⁸ ka satu, Harima; ka nei, Seorima;

⁹ ka tanu, Malakidja; ka samalu, Midjamina;

¹⁰ kʼesambeli, Hakoza; kʼenanei, Abidja;

¹¹ ka divwa Jashua; ka dikumi, Shekaniya;

¹² ka dikumi lʼotoi, Eliyashiba; ka dikumi lʼahendi, Jakima;

¹³ ka dikumi lʼasatu, Hupa; ka dikumi lʼanei, Jeshebeabe;

¹⁴ ka dikumi lʼatanu, Bilinga; ka dikumi lʼasamalu, Imere;

¹⁵ ka dikumi lʼesambeli, Hezire; ka dikumi lʼenanei, Hapizeze;

¹⁶ ka dikumi la divwa, Petahiya; kʼakumi ahendi lehezekele;

¹⁷ ka akumi ahendi lʼotoi, Jakina; ka akumi ahendi lʼahendi, Ngamula;

¹⁸ ka akumi ahendi lʼasatu, Delaya; la ka akumi ahendi lʼanei; Maziya.

¹⁹ Osoku mbakawalongama lʼelimu awo dia mbotoka lu luudu la Latuyalaka uku olembe wakadji tshewo Arona, uku akawutela Latuyalaka, Unyashungu wa Isariyele.

²⁰ Wane wakatshikala lʼatei wʼasi Lewi ane: Shubaele, onʼa Amurama; Jedeya, onʼa Shubaele;

²¹ uma lu diuhu dia Rehabiya; uwandji Ishiya, onʼa Rehabiya.

²² Shelomota, uma le asika Izehare; Jahata, onʼa Shelomota.

²³ Ana apami wa Heberona ane: Jeriya, uwandji; Amariya la hendi, Jahaziyele la satu; la Jekameame, la nei.

²⁴ Mika, onʼa Uziyele; Shamira, onʼa Mika;

²⁵ Ishiya, onangu Mika; Zekariya onʼa Ishiya.

²⁶ Ana apami wa Merari ane: Mali la Mushi; Beno, onʼa Jaziya.

²⁷ Asika Merari ane: Beno, Shohama, Zakura la Ibiri, ana wa Jaziya.

²⁸ Uma lu diuhu dia Mali: Eleazara kundjala la ana;

²⁹ uma lu diuhu dia Kishi, Jeramele, onʼa Kishi.

³⁰ Ana apami wa Mushi ane: Mali, Edere la Jerimote. Waso waki asi Lewi uku khumbu ya washewo.

³¹ Ndu vo mbakawukela uwali, uku akawukela anengewo asika Arona la ntundu ka khumʼekanga Davidi, Zadoka la Ahimeleke la ewandji wa khumbu ya washewo yʼelombedi lʼasi Lewi. Wakukela ote la ote wa khumbu uwali uku akawukela onangu luleki tshitshe uwali.