1 Ekondo 17 - La Bible en Otetela (Bible K'Ekila) 1991

Unyashungu Ambudja la Davidi Sheki

¹ Lamʼakadjase Davidi lu luudu landi, ndi akatela umvutshi Natana ati: Enda, dimi lambudjase lu luudu lʼetamba wʼesasi, keli oshete wa sheki wa Latuyalaka weko lu luudu la dipema.

² Natana akûkaluya diui ati: Utshi tshe keli lʼutema aye, ne dia Unyashungu eko la ye.

³ Ku lʼutshu wa lushi lako, diui dia Unyashungu diakayi le Natana ati:

⁴ Tshoka, tuteli ukambi ami Davidi wati: Latuyalaka kata ati: We humpikela luudu la dimi mbidjase.

⁵ Umaka lushi lakamatundja asi Isariyele uma lʼEdjibitu edja ndu elo, dimi latadjase lu luudu la shikaa, keli laketetaka lu luudu la dipema lakatadjaseka lu luudu la luudu la dipema ndu lʼedjaselu lʼedjaselu.

⁶ Undi, lu ahuli tshe wakamatakendakendaka lʼasi Isariyele, dimi lakatela diuhu dimotshi dia Isariyele diakamadji alami a wudja ami wa Isariyele nti: Okoko wa na wahanyampikela luudu lʼetamba wʼesasi?

⁷ Okone ututeli ukambi ami Davidi wati: Latuyalaka, Kanga lulimbilimbi, kata ati: Dimi lakakose uma lʼusui lene akayalamaka ekoko dia we ndjala uwandji wa wudja ami Isariyele.

⁸ Dimi laki la ye lu ahuli tshe wakayatatshokaka, dimi lakatshanya atunyi aye tshe uma la ntundu kaye. Dimi layete lukumbu laye wuki uku kumbu yʼantu a waki weli la kete.

⁹ Dimi layosonwela wudja ami Isariyele dihuli, dia vo mbidjase lu dihuli dia shikaa, diaha vo mpenyahenyama ntu. Akanga a ngala hawuyasuya uku akawasuyaka nshi ya ntundu,

¹⁰ ndu uku lʼetena kakamadji embadi lu wudja ami wa Isariyele. Dimi layolembia atunyi aye tshe. Lambukutela nti: Latuyalaka ayukushikikela khumbu.

¹¹ Lamʼayukuka nshi yaye dia we ntsho le wa sho, dimi layunyiya onʼaye lakayuti weme lokongo aye. Dimi layushikike diuleh diandi.

¹² Ndi kayuyumpikela luudu, la dimi layushikike kiti kandi ka diulelu pundju.

¹³ Dimi layuyala shi, ku ndi ayuyala onʼami. Dimi halunya ngandji kami ka mamba uma le ndi, uku akamakinya uma le one laki la ntundu kaye.

¹⁴ Dimi layushikike lu luudu lami ndu lu diulelu diami pundju; la kiti kandi ka diulelu kayushikikala pundju.

¹⁵ Natana aka tela Davidi aui aso tshe la enelo kako tshe.

¹⁶ Ku khumʼekanga Davidi akatshu, akatudjase la ntundu ka Latuyalaka, akawambula ati: Unyashungu, Latuyalaka li! dimi leli na, ndu luudu lami leli na, dia we nombolami edja ndu kakiane?

¹⁷ Unyashungu li, dikambu ne dieki tshitshe lu ashu aye. Keli we ambuta akambu wahatayi lu luudu lʼukambi aye. Unyashungu, Latuyalaka! we ambomenya akambu wa nonga yahatayi.

¹⁸ Keyami nkutela ntu, dimi Davidi, lu dikambu dia lutumbu lambuyuntshela, dimi ukambi aye? ne dia we mbeyakami.

¹⁹ Latuyalaka li, lu dikambu diami dimi ukambi aye, ndu uku weli utema aye, mbakayatshi akambu ane wa waki tshe, dia menyamiwo.

²⁰ Latuyalaka li, uku aui tshe wakatuki lu atui asu, nduku ledimi la ye, nduku Unyashungu ukina weko, tshikima we.

²¹ Undi, wudja omotshi weko la kete weli uku wudja aye Isariyele wakayashimbela dikambu diaye, wudja wakayayatungela lukumbu, wakayatshi tulimbitelu ta waki la akambu wa mamba dikambu diaye ndu dikambu dia kete yaye lamʼakayatshanya wedja la ditemolatemola diawo la ntundu ka wudja aye, wakayatundja uma lʼEdjibitu?

²² We akashikike wudja aye Isariyele dia vo ndjala wudja aye pundju. We Latuyalaka akayala Unyashungu awo.

²³ Okone we Latuyalaka, ushikike diui diakayatshi dikambu diami dimi ukambi aye, la dia luudu lami pundju. Utshi uku diui diaye.

²⁴ Lukumbu laye lashikikali latumbwami pundju ati: Latuyalaka, Unyashungu wa Isariyele, Kanga lulimbilimbi, keli Unyashungu lu Isariyele. Luudu lami dimi ukambi aye Davidi lashikikali la ntundu kaye.

²⁵ Weme Unyashungu ambomenya dimi ukambi aye wati: Dimi layukutungela luudu, diako mbamumuyala la dihunga dia nkolomba nomba kene.

²⁶ Latuyalaka li, we keli Unyashungu. We ambundaka dimi ukambi aye otshoko one wʼololo.

²⁷ Kakiane etawo ntshokola luudu lami dimi ukambi aye dia lo ntshikala la ntundu kaye pundju. Latuyalaka li, kene kambuyotshokola kambotshokwama pundju.