Roma 9 - Kaili Ledo

ToYahudi bo Kareba Belo (Pasal 9-11) Nasusa rara i Paulus sabana ledo nadea toYahudi nomparasaya i Yesus

¹ Yaku nosangu rara ante i Kristus, jadi yaku ledo nodava. Pekiri rara ntaiku nikeniaka Nosa Gasa, bo pekiri rara ntaiku muni nanguli yaku ledo nodava. Anu kuuli hitu mpuu-mpuu nakana, ledo aga davaku:

² nabuku mpuu raraku bo ledo naupu kasusa raraku nompekirika sampesuvuku toYahudi apa ledo nadea ira nomparasaya i Yesus.

³ Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

⁴ Iramo toIsrael, todea nu Alatala, anu nantarima mpengaya belo lako nte Ia. NianggatakaNa ira najadi ana-anaNa mboto bo nipopakitakaNa ka ira kuasaNa bo kaogeNa. NipoviaNa pojanji nte ira, bo nidekeikaNa Atura-atura agama ka ira. NipatudukikaNa ka ira ada-ada metupu nte Ia. Nadea mpuu janji nu Alatala ka toIsrael.

⁵ Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

Ledo pura-pura muli i Abraham nipelisi nu Alatala majadi todeaNa

⁶ Nau nadea toYahudi ledo nomparasaya i Yesus, ledo mamala raulita Alatala ledo nompakadupa pojanjiNa nte toYahudi! Apa ledo pura-pura muli i Israel nipelisi nu Alatala majadi todeaNa.

⁷ Bo ledo muni pura-pura muli i Abraham nireke mulina mpuu, anu masipato mantarima belo nijanji nu Alatala. Apa Alatala nanguli ka i Abraham ivei: <>

⁸ Batuana, ledo sambara tona nipomulika lako ri karo i Abraham najadi ana-ana nu Alatala. Aga tona nipoanaka nangoseaka pojanji nu Alatala najadi ana-ana nu Alatala mpuu.

⁹ Apa iveimo pojanji nu Alatala nte i Abraham: <>

¹⁰ Bo ledo aga haitu, lako ri tesa i Esau bo i Yakub, nisanita Alatala nompelisi tona nangoseaka dotaNa mboto. I Esau bo i Yakub narapi bo ira nipoanaka i Ribka. Ira nosangu tuama, haitumo i Ishak, totuata nggaulu.

^11-12 Dopame i Ribka noana, Alatala nanguli ka ia ivei: <> Tempo haitu, ngana randua pangane dopa nipoanaka bo dopa novia nuapa-nuapa nabelo atau nadaa. Tapi Alatala nompakatantu mamimo ngana mbana nipelisiNa mantarima belo lako nte Ia. PatujuNa ala malanto ka kita, ane Alatala nompelisi tona manggava belo lako nte Ia, ledo nipelisiNa nangoseaka pokainggura, tapi nipelisiNa nangoseaka dotaNa mboto.

¹³ Haitumo batuana tesa nu Alatala ri Buku Gasa anu nanguli ivei: <>

¹⁴ Jadi ane Alatala nompelisi saito bo nompoara tosaitona, nee rasarumakata Ia ledo nanoa! Ledo ntoto nakana!

¹⁵ Apa niuliNa ka Nabi Musa nggaulu ivei: <>

¹⁶ Jadi haitumo sampe nisanita Alatala nompelisi tona ledo sabana dota ntona haitu atau pokainggu ntona haitu, tapi sabana kabelo rara nu Alatala.

¹⁷ Riara Buku Gasa nitulisi tesa nu Alatala ka Firaun, Magau ri tana Mesir nggaulu, ivei: <>

¹⁸ Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.

¹⁹ Jadi natantumo maria tona mompekutana ivei: <>

²⁰ Tapi sampesuvu-sampesuvu, ledo masipato kita mombasanai Alatala! Ledo masipato kura manguli ka topomandu, <>

²¹ Natantu topomandu kura nakuasa momandu tana lei nangoseaka dotana mboto. Lako ri salemo tana lei, mamala ramanduna rongaya kura, sangu kura nagaya bo sangu kura biasa.

²² Ivesia muni ante Alatala. Ia nakuasa movia nuapa-nuapa nipodotaNa nte kita manusia. Ia nasadia mombahuku tona nadaa bo mompopakita kuasaNa. Tapi Ia nosabara nte tona anu nompakarau Ia bo masipato rahuku sampe ri kasae-saena.

²³ Ia nosabara nte ira ala mompopakita kambaso nu kaogeNa ka kita anu nipoasiNa bo nipasadiaNa mami lako ri nggauluname manggava bagia ri kaogeNa.

²⁴ Bo kitamo hii anu nipasadiaNa manggava belo haitu. Sanu kita nipokioNa lako nte toYahudi bo sanu nipokioNa lako nte tona ledo toYahudi.

²⁵ Riara buku Nabi Hosea, Alatala nanguli ivei: <

²⁶ Bo ri umba nipanguli nu Alatala ka ira, , ri situ munimo, ira rauli ana-ana nu Alatala anu Natuvu.>> Hosea 1:10

²⁷ Tapi nalonto mpuu tesa Nabi Yesaya nanguli toYahudi ivei: <

²⁸ Apa Tupu kaliu-liu mombatangara pura-pura manusia ri dunia ante nanoa. bo pehukuNa haitu ledo mamala ratavari.>> Yesaya 10:22-23

²⁹ Naria tesa Nabi Yesaya ntanina nanguli ivei: <> Yesaya 1:9

³⁰ Jadi kambukuna ivei: Tona ledo toYahudi ledo nompasimbuku majadi manoa ri panggita nu Alatala. Tapi Alatala noreke ira nanoa sabana niparasayara Ia.

³¹ Tapi toIsrael nasaemo nompasimbuku mangoseaka atura-atura ala ira rareke manoa ri panggita nu Alatala. Tapi ira ledo najadi nanoa.

³² Nuapa sabana? Sabana ira aga nanjarumaka pompasimbukura mboto nangoseaka atura agama, ledo nanjarumaka pomparasayara Alatala. Ira mpo tona natepasunu ri vatu pasunu, batuana: ira ledo nadota nomparasaya Magau Topepakasalama.

³³ Haitu niboto riara Buku Gasa ivei: <> Yesaya 28:16