Roma 10 - Kaili Ledo

¹ Sampesuvuku sampomparasaya! Naoge mpuu raraku ala sampesuvuku toIsrael mamala rapakasalama. Yaku nasaro nosambaya ka ira.

² Yaku nosabiki, ira mpuu-mpuu madota mompakadamba rara nu Alatala. Tapi ledo nisanira mpuu dala nakana mompakadamba raraNa.

³ Apa ledo nipokonora nantarima cara nu Alatala mompakanoa manusia. Jadi ira ledo nadota nomparasaya i Kristus ala majadi manoa ri panggita nu Alatala. Ira aga nadota nangoseaka carara mboto, haitumo, ira nompasimbuku mangoseaka atura agama apa nisarumakara haitumo mompakanoa ira ri panggita nu Alatala.

⁴ Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Isema-sema nomparasaya i Yesus rapakasalama

⁵ Nabi Musa notesa tona najadi nanoa ri panggita nu Alatala sabana nioseakara Atura agama. Niulina ivei: <> Imamat 18:5

⁶ Tapi tona najadi nanoa ri panggita nu Alatala sabana pomparasayana, ledo paraluu mompekutana ivei: <>

⁷ Ledo muni paraluu rapekutanana: <>

⁸ Ledo paraluu mompekutana ivehaitu sabana, evamo niuli riara Buku Gasa ivei: <> Ulangan 30:12-14 Kareba haitumo nanggeni tona nomparasaya bo haitumo kareba nipatolele kami.

⁹ Ane kita mompangaku ante sumbata, <> bo ane kita momparasaya riara ntaita Alatala nompakatuvu mpanjili Ia lako ri kamateNa, kita rapakasalama.

¹⁰ Apa kita nomparasaya i Yesus riara ntaita sampe Alatala nombareke kita nanoa ri panggitaNa. Bo kita nompangaku i Yesus ante sumbata sampe kita nipakasalama.

¹¹ Riara Buku Gasa nitulisi ivei: <> Yesaya 28:16

¹² Tesa-tesa hitu nambela ka pura-pura tona sabana ledo ria posisalana toYahudi bo tona ledo toYahudi. Aga saito Alatala, bo Ia Tupu nu manusia pura-pura. Ia nabelo raraNa nte pura-pura tona anu nekakai nte Ia.

¹³ Apa <>

¹⁴ Tapi berimbamo tona mekakai nte i Pue ane dopa niparasayara Ia? Bo berimbamo ira momparasaya Ia ane dopa niepera karebaNa? Bo berimbamo raepera karebaNa ane dopa ria tona nompatolele kareba haitu ka ira?

¹⁵ Bo berimba munimo tona mompatolele Kareba Belo ane dopa ria tona mombasuro ira manggeni kareba haitu? Riara Buku Gasa nitulisi ivei: <> Yesaya 52:7

¹⁶ Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

¹⁷ Jadi, manusia nomparasaya i Kristus sabana niepera Kareba Belo. Bo niepera kareba sabana naria tona nompatolele tesa i Kristus ka ira.

¹⁸ Tapi berimbamo? Dopa niepe ntoYahudi Kareba Belo? Natantu nieperamo apa nitulisi riara Buku Gasa ivei: <> Mazmur 19:5

¹⁹ Jadi berimbamo? Dopa nisani ntoYahudi batuana Kareba Belo? Natantu nisaniramo! Pamula-mulana naria tesa nu Alatala nipasimbayu Nabi Musa ivei: <> Ulangan 32:21

²⁰ Naupu sia, Nabi Yesaya nabia nompasimbayu tesa nu Alatala ivei: <> Yesaya 65:1

²¹ Tapi ane toYahudi, ivei Alatala nanguli ira: <> Yesaya 65:2