Markus 3 - Kaili Ledo

Tona nakoyo palena sabingga nipakabelo i Yesus ri eo penonto

¹ Naupu sia i Yesus nesua vai ri banua petupu. Ri sia naria saito langgai nakoyo palena sabingga.

² Bara sako-ndua toFarisi ri sia nompariara pakabelo-belo ala rakitara i Yesus mompakabelo tona haitu ri eo penonto, ala mamala rapangadura.

³ Nanguli i Yesus ka tona nakoyo palena haitu, <>

⁴ Pade i nipekutanaNa toFarisi naria ri sia, <> Tapi ira ledo nadota nesana.

⁵ Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

⁶ Naupu haitu nesuvumo toFarisi lako ri banua petupu haitu bo hau nosimpotesa ante tona nosabingga ka Magau Herodes, mangelo dala mompatesi i Yesus.

I Yesus nompatuduki todea bo nompakabelo tona nadua

⁷ I Yesus ante anaguruNa hau ri Rano Galilea. Nadea mpuu tona lako ri bagia Galilea nantuntuni ira. Nadea muni tona nakava lako ri bagia Yudea,

⁸ lako ri Yerusalem, lako ri bagia Idumea, lako ri bagia sambote Binangga Yordan, bo lako ri ngata Tirus bo Sidon. Ira nakava nte i Yesus sabana niepera i Yesus novia kabaraka-kabaraka.

⁹ Nadea mpuu tona nasiromu ri sia sampe i Yesus nombatudu ana-anaguruNa mompakasadia sangu sakaya ka Ia ala nee sampe Ia raposiupisira.

¹⁰ Nadea mpuu tona nipakabeloNa bara ipia sampe pura-pura tona nadua nosimpago nompasimbuku mompakapara nte Ia ala ira mamala manggabe Ia.

¹¹ Tona nipesua nu seta, nggani-nggani nanggita i Yesus, kana nantaputu ira ri ngayoNa bo nongare-ngare, <>

¹² Tapi i Yesus nombatagi ira, <>

I Yesus nompelisi sapulu randua anaguruNa

¹³ Naupu haitu nantendemo i Yesus hau ri bulu, pade nipokioNa isema-sema nipodotaNa mangoseaka Ia, bo hau mpuumo ira.

¹⁴ Nakavapa ira, nipelisiNamo sapulu randua majadi suroNa ala ira momporoa Ia bo ratuduNa hau mompatolele Kareba Belo.

¹⁵ Bo nidekeiNa kuasa ka ira mompopalai seta-seta.

¹⁶ Hitumo sangara sapulu randua haitu: i Simon anu nipoposangaNa i Petrus,

¹⁷ i Yakobus bo tueina i Yohanes, ana-ana i Zebedeus. Ira randua nidaeNa Boanerges, batuana <>.

¹⁸ Naria muni i Andreas, i Filipus, i Bartolomeus, i Matius, i Tomas, i Yakobus ana i Alfeus, i Tadeus, i Simon lako ri partei Zelot,

¹⁹ bo i Yudas Iskariot anu mompobalu i Yesus.

Guru-guru agama nanguli i Yesus nompopalai seta ante kuasa Magau nu Seta

²⁰ Naupu sia i Yesus nanjili hau ri banua. Tapi nakava vai sanupa tona dea nasiromu, sampe Ia ante anaguruNa ledo nakapo nangande.

²¹ Sampesuvu i Yesus nangepe anu nipoviaNa haitu bo nisarumakara nabayamo Ia. Jadi nakavamo ira mangala Ia.

²² Nangulimo guru-guru agama nakava lako ri ngata Yerusalem ivei: <>

²³ Jadi i Yesus nombaronde todea haitu bo notesa porapa ka ira ivei: <

²⁴ Ane maria saito magau bo todeana bate-batena nosipobali, ledo masae mageromo kamagaua haitu.

²⁵ Bo ane tona sambanua ledo maria posintuvura bo aga mosipobali, ira sambanua haitu aga masimpotare.

²⁶ Ivesia muni ante Magau nu Seta. Ane Magau nu Seta mompopalai roana bo seta-setana mosipobali, natantumo kamagauana ledo ntoto maroso, aga magero.

²⁷ Ledo ria saitoa tona mamala mesua riara banua ntona naroso bo mangago mbara-mbarana ane tona naroso haitu ledo ratipungguna ntani ruru. Maliu haitu pade mamalamo isi banua raalasina. Ivesia muni Yaku namala nompopalai seta, sabana Yaku nokolu nombadagi Magau nu Seta.

²⁸ Pariaramo tesaKu hitu! Pura-pura dosa manusia bo tesa-tesa nesalai, mamala raampungi.

²⁹ Tapi isema-isema nombasalai Nosa Gasa, ledo raampungi. Sabana, pesalaina haitu mai dosa sampe ri kasae-saena.>>

³⁰ I Yesus nanguli ivesia sabana naria tona nanguli Ia nipesua nu seta tano mai, kuasaNa lako ri Nosa Gasa.

Tona nangoseaka dota nu Alatala nipakasimbayu ka tina bo sampesuvu i Yesus

³¹ Naupu haitu nakavamo tina i Yesus bo sampesuvu-sampesuvuNa. Ira nepopea ri savalikuna bo nitudura tona hau mombaronde i Yesus.

³² Tempo haitu tona dea nonturo nantagui i Yesus. Niulikara Ia, <>

³³ Nesanamo i Yesus, <>

³⁴ Pade nikanotoNa pura-pura toponturo ri sinjoriNa bo niuliNa, <

³⁵ Apa isema-sema nangoseaka dota nu Alatala, iamo sampesuvuKu bo tinaKu.>>