Markus 16 - Kaili Ledo

I Yesus natuvu mpanjili

¹ Naliupa eo penonto, hau i Maria Magdalena, i Maria tina Yakobus, nosanggani ante i Salome nangali rampa-rampa navangi rakenira rapolanaira karobata i Yesus.

² Bo ri eo Aka mpadondo mpisina, eo paratama minggu haitu dako nebonda eo, hau ri dayomo mombine tatalu pangane.

³ Ri tatanga mpolipara nosimpekutanamo ira, <>

⁴ Tapi nakavapa ri dayo, nikitara nateduliakamo vatu mbaso haitu.

⁵ Pade nesuamo ira riara bolo vatu nipajadi dayo. Nikitara saito kabilasa nobaju bula nonturo ri sabingga ngganara. Natekaja bo naeka mpuu rarara.

⁶ Tapi nangulimo kabilasa haitu ka ira, <

⁷ Tapi koimo komiu bo uli ka ana-anaguruNa bo ka i Petrus. Ia mokolu ka komiu hau ri bagia Galilea. Hamai rakitamiu Ia nangoseaka anu niuliNa ka komiu bara ipia.>>

⁸ Jadi nesuvumo ira lako ri dayo bo nangova nalai, sabana natekaja bo naeka mpuumo rarara. Ira ledo notesa nuapa-nuapa ka isema-sema sabana naeka. [Mombine gahaitu hau nte i Petrus bo roa-roana, bo kaliu-liu nitesara pura-pura anu niuli nu kabilasa haitu ka ira. Naupu sia i Yesus nantudu anaguruNa hau ri umba-umba ri dunia lako ri mpanauna sampe ri mpandakena mompatolele Kareba lako nte Alatala anu notesaki katuvua nabelo sampe ri kasae-saena. Kareba haitu nagasa bo ledo nabali-bali sampe ri kasae-saena.]

I Yesus nompopakita karoNa ka i Maria Magdalena bo anaguruNa

⁹ [Eo Aka mpadondona, naliu i Yesus natuvu mpanjili lako ri kamateNa, nipopakitaNamo karoNa ka i Maria Magdalena. I Maria haitumo mombine anu nikabasaka i Yesus lako ri kuasa nu seta papitu bara ipia.

¹⁰ Nanggitapa i Yesus, haumo i Maria mosinggava nte roa-roa i Yesus anu da notumangi-mangi sabana nabuku rarara.

¹¹ Tapi tempo niepera tesana nanguli i Yesus natuvu mpanjili bo nikitanamo Ia, ledo ntoto niparasayara tesa haitu.

¹² Naliu haitu i Yesus nompopakita karoNa ante lenje ntanina ka randua roaNa tempo ira nolipa hau ri ngata ntanina.

¹³ Naupu sia, nanjilimo ira randua bo notesa kajadia haitu ka roa-roara ntanina. Tapi roara haitu ledo muni nomparasaya tesara.

I Yesus nompopakita karoNa ka ana-anaguruNa

¹⁴ Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

¹⁵ NiulikaNa ira, <

¹⁶ Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

¹⁷ Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

¹⁸ Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

I Yesus neore hau ri suruga

¹⁹ Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.

²⁰ Naupu haitu, haumo ana-anaguruNa nompatolele Kareba Belo ka tona ri umba-umba, bo Tupu mboto nokarajaa nosanggani-nggani ante ira. Ia nombadekei ka ira kuasa movia kabaraka-kabaraka ala mompakaroso tesa nipatolelera haitu.]