Markus 15 - Kaili Ledo

I Yesus nikeni ri ngayo Gubernur Pilatus

¹ Sanggaeo mpisina, pura-pura balengga-balengga ntopanggeni pesomba ante guru-guru agama, totua-totua, bo topolibu ntanina lako ri Polibu Mbaso Agama, nasintuvu bo nosangu patujumo. Nitipungguramo i Yesus pade nikenira hau nte Gubernur Pilatus.

² Nekutanamo i Pilatus nte i Yesus, <> Nesana i Yesus, <>

³ Balengga-balengga ntopanggeni pesomba nompangadu i Yesus ante mpengaya-ngaya pangadua.

⁴ Bo i Pilatus nekutana vai hanupa nte i Yesus, <>

⁵ Tapi i Yesus ledo nesana nau aga sambela sampe nokumaa mpuu rara i Pilatus.

I Yesus nihuku mate, i Barabas rakabasaka

⁶ Mpae-mpae ri Eo Mbaso Paskah, kabiasa nu Gubernur nombakabasaka saito tona nitarunggu, nangoseaka pomperapi ntodea.

⁷ Tempona haitu naria bara sako-ndua tona nitarunggu sabana nompatesi tona tempo nangeva pomarenta. Saito ira nosanga i Barabas.

⁸ Jadi nakavamo todea nte i Pilatus nerapi ala rakabasakana ka ira saito tona nitarunggu nangoseaka kabiasana.

⁹ Jadi nesana i Pilatus, <>

¹⁰ Niulina ivesia sabana nisaninamo balengga-balengga ntopanggeni pesomba nanggeni i Yesus ka ia sabana nasiriati.

¹¹ Tapi balengga-balengga ntopanggeni pesomba nompakapane rara ntodea ala i Barabasmo rakabasaka ka ira.

¹² Nekutana vaimo i Pilatus nte ira, <>

¹³ Nongaremo ira, <>

¹⁴ Nekutana vai i Pilatus nte ira, <> Tapi ira aga nantambai nongare ante suara namangga mpuu, <>

¹⁵ I Pilatus madota mompakasana rara ntodea. Jadi nikabasakanamo i Barabas ka ira, bo nitudunamo tantarana mombacambu i Yesus, pade nidekeinamo i Yesus rapatesi rapaku ri kayu salib.

I Yesus nipongei-ngeika nu tantara-tantara

¹⁶ Tantara-tantara nanggeni i Yesus hau ri tombi potangara riara banua Gubernur Pilatus. Bo nirondera pura-pura roara masiromu.

¹⁷ Nipasuakara baju magau nakamao ka i Yesus, bo nipoviara muni songgo nu magau lako ri karui bo nipoposonggokara.

¹⁸ Naupu haitu, nipongei-ngeikaramo Ia bo nitabera, <>

¹⁹ Naupu haitu nibobara ntokomo balenggaNa bo nitoveulusiramo. Pade nantaputumo ira ri ngayoNa bo nongei-ngei nombasomba Ia.

²⁰ Naupupa nipongei-ngeikara ivesia, nivonjuramo baju nakamao haitu bo nipopasuakara mpanjili pakeaNa mboto. Pade nikenira hau ri savaliku ngata rapaku ri kayu salib.

I Yesus nipaku ri kayu salib

²¹ Ri tatanga dala, nibarusuramo saito tona nosanga i Simon mombasimbuaka kayu salib i Yesus. I Simon haitu tuama i Aleksander bo i Rufus lako ri ngata Kirene, bo tempo haitu ia da ri polipana hau ri ngata Yerusalem.

²² Napolamo ira sampe nakava ri ponturo anu niuli <> batuana <>.

²³ Ira nombadekei uve anggur anu nigalo ante pakuli mur ka i Yesus, tapi ledo nadota Ia manginuna.

²⁴ Pade nipakuramo Ia ri kayu salib. Naupu haitu niposibagi-bagiramo pakeaNa ante notende lamoro ala matantu isema rakamalakana.

²⁵ Tempo i Yesus nipakura ri kayu salib, nitasere tinti sasio mpadondona.

²⁶ Ri kayu salibNa naria dopi nitulisi anu nipangadu ka Ia ivei: MAGAU NTOYAHUDI.

²⁷ Naria muni randua topeago nipaku ri kayu salib ntanina nosanggani-nggani ante i Yesus, saito ri pangganaNa bo saitopa ri panggaiNa.

²⁸ Ivesiamo kadupa tesa nitulisi ri Buku Gasa nanguli, <>

²⁹ Tona noliu ri sia noundu-undumo balenggara nombadee Ia. Niulira, <

³⁰ Anumo, panaumo lako ri kayu salib tutu bo pakasalama karoMu mboto!>>

³¹ Ivesia muni balengga-balengga ntopanggeni pesomba bo guru-guru agama nombadee Ia. Nosiulikamo ira saito-saito, <

³² Ane Ia mpuu-mpuu Magau ntoIsrael, Magau Topepakasalama, agina Ia manau lako ri kayu salib ala rakitata bo raparasayata Ia!>> Bo tona nipaku ri kayu salib ri sinjori i Yesus muni nombadee Ia.

Kamate i Yesus

³³ Natongo eo, njumangu bagia haitu nitaulandana talu-jaa kasaena, nompamula lako ri tinti sapulu randua sampe tinti tatalu nggoviana.

³⁴ Tinti tatalu nggoviana, nongaremo i Yesus ante suara namangga, <> batuana, <>

³⁵ Nangepe Ia nongare, nangulimo bara sako-ndua tona ri sia, <>

³⁶ Bo nangovamo saito tona nangala sangaya eva lomo bo nitomena ri uve anggur napoi bo nidikana ri vuntu kayu pade nijujubakana ri sumba i Yesus ante nanguli, <>

³⁷ Naupu haitu nongare vaimo i Yesus sangganipa ante suara namangga ntoto bo naponjimo nosaNa.

³⁸ Bo tempo haitu muni, nabitemo kae povombo riara Banua nu Alatala. Kae haitu nabite rombite lako ri bavona sampe ri tambena.

³⁹ Naria balengga ntantara neangga ri ngayo kayu salib i Yesus. Tempo niepena pongare i Yesus bo nikitana kamateNa ivehaitu, nangulimo ia, <>

⁴⁰ Naria muni bara sako-ndua mombine neangga nompeintaka nggavao. Ri tatangara muni naria i Maria Magdalena, i Maria tina i Yoses bo i Yakobus muda. Bo naria muni i Salome.

⁴¹ Iramo mai mombine anu nangoseaka bo nantulungi i Yesus tempo Ia ri bagia Galilea. Bo ri sia nadea muni mombine ntanina anu nosinggani nte Ia hau ri ngata Yerusalem.

I Yesus nitana

⁴² Eo haitu nambela eo pompasadia ka eo penonto, apa mailena eo penontomo. Uru nggovia haitu,

⁴³ nakavamo saito toArimatea nosanga i Yusuf. Ia saito lako ri Polibu Mbaso Agama Yahudi bo nibila ntodea. Ia muni nantongoraka tempona Alatala moparenta mpo Magau. Ia nompebia hau mantingayo i Pilatus merapi karobata i Yesus.

⁴⁴ Nahera mpuu i Pilatus nangepe i Yesus nasalisa namate. Jadi nirondena balengga ntantara bo nipekutanana, <>

⁴⁵ Niepenapa tesa nu balengga ntantara nanguli namate mpuumo i Yesus, nipaloganamo i Yusuf mangala karobata i Yesus.

⁴⁶ Jadi niali i Yusufmo kae gandisi nalusu raposompu, bo nitaurakana karobata i Yesus lako ri kayu salib pade nisompuna ante kae nialina haitu. Bo nidikana karobata i Yesus haitu ri bolo vatu anu nipaa rapodayo. Naupu haitu niduliakanamo sangu vatu mbaso rapombatutui vamba dayo haitu.

⁴⁷ Tempo haitu i Maria Magdalena bo i Maria tina Yoses nanggita ponturo nipombaboli karobata i Yesus.