Markus 1 - Kaili Ledo

I Yohanes Topediu nompakasadia todea mantarima i Yesus Kristus

¹ Hitumo tesa Kareba Belo, tesa i Yesus Kristus, Ana nu Alatala.

² Tesa hitu nompamula ante kakava i Yohanes Topediu nangoseaka anu nitulisi ri buku Nabi Yesaya nggaulu. Ante sumba nu nabi, Alatala nanguli ka AnaNa ivei: <> Maleakhi 3:1

³ < >> Yesaya 40:3

⁴ Evamo anu nitulisi pangane, ivesiamo i Yohanes Topediu neumba ri karava bai. I Yohanes nompatolele kareba lako nte Alatala ivei: <>

⁵ Bo nakavamo tona lako ri njumangu bagia Yudea bo lako ri ngata Yerusalem mangepe ia. Ira nompangaku dosa-dosara bo i Yohanes nombadiu ira ri Binangga Yordan, tandana najeamo ira lako ri dosara.

⁶ I Yohanes nompake pakea nitanu lako ri bulu unta. Ia nosulepe kulimba bo kandeana nggaboro bo manisa.

⁷ Ia nompatolele tesa hitu ka todea ivei: <

⁸ Yaku nombadiu komiu ante uve. Tapi Ia mombadiu komiu ante Nosa Gasa nu Alatala.>>

I Yesus nidiu i Yohanes ri Binangga Yordan

⁹ Tempo haitu nakavamo i Yesus lako ri ngata Nazaret ri bagia Galilea, bo i Yohanes nombadiu Ia ri Binangga Yordan.

¹⁰ Tempo i Yesus neumba lako ri uve, kaliu-liu nikitaNa langi natebuka bo Nosa Gasa nu Alatala, nolenje mpo tonji banggebodo, nanau bo netuu nte Ia.

¹¹ Bo naria suara lako ri suruga nanguli, <>

I Yesus nipesori Magau nu Seta ri karava bai

¹² Naupu haitu, Nosa Gasa nu Alatala kaliu-liu nompakeni i Yesus hau ri karava bai.

¹³ Ia nonturo hamai patapulu mbongi kasaena nipesori nu Magau Seta ala Ia domo matundu nte Alatala tapi matundu nte Magau nu Seta. Ia nosanggani-nggani ante binata-binata vura hamai, bo malaeka-malaeka nTupu nakava nompatala Ia.

I Yesus nompokio ampa topebau mangoseaka Ia

¹⁴ Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.

¹⁵ NiuliNa, <>

¹⁶ Tempo i Yesus noliu ri tinggi Rano Galilea, nikitaNa i Simon ante tueina i Andreas nombatendeaka jala mompemala bau ri rano haitu, apa ira topebau mami.

¹⁷ Nanguli i Yesus ka ira, <>

¹⁸ Nangepe tesa haitu, kaliu-liu nipalaisiramo jalara ri sia bo hau nioseakaramo i Yesus.

¹⁹ Napolamo i Yesus sakidepa, bo nikitaNa i Yakobus, ana i Zebedeus, ante tueina i Yohanes riara sakayara nompakabelo jalara.

²⁰ Nanggita ira, nanguli i Yesus, <> Nangepe haitu, nipalaisiramo tuamara ranjakaya nosanggani-nggani ante topokarajaana bo hau nioseakaramo i Yesus.

I Yesus nompopalai seta lako nte tona nipesua nu seta

²¹ I Yesus ante topangoseaka-topangoseaka Ia hau ri ngata Kapernaum. Ri eo penonto nesuamo Ia ri banua petupu ntoYahudi bo nompamulamo nompaguru.

²² Nokumaa mpuu tona nangepe pepatudukiNa, apa Ia ledo nompaguru mpo guru-guru agama. Ia nompaguru mpo tona nakuasa mpuu.

²³ Riara banua petupu tempona haitu, naria langgai nipesua nu seta. Sampesanika nongaremo ia ante suara namangga,

²⁴ <>

²⁵ I Yesus nanguli ka seta haitu, <>

²⁶ Jadi nasinggikimo tona haitu, bo nongaremo seta pakamangga bo nalaimo.

²⁷ Nanggita haitu, nokumaa puramo todea ri sia sampe ira nosimpekutana, <>

²⁸ Naliu haitu, natolelemo nasalisa kareba i Yesus ri njumangu bagia Galilea.

I Yesus nompakabelo nadea tona anu nadua

²⁹ I Yesus ante topangoseaka-topangoseaka Ia nompalaisi banua petupu haitu bo kaliu-liu hau ri banua i Simon bo Andreas. I Yakobus bo i Yohanes muni hau nosanggani nte ira.

³⁰ Tempo haitu matua i Simon mombine naturu ri paturuna sabana nakokora, bo niulirakamo i Yesus.

³¹ Jadi haumo i Yesus nanggaparai totua mombine haitu. NikingisiNa pale nu mombine bo nitulungiNa ia membangu. Kaliu-liu nabelomo ia, bo hau nombakadambanaka ira.

³² Nasolopa eo, nakavamo tona dea nanggeni roa-roara nadua bo tona nipesua seta.

³³ Pura-pura tupu ngata haitu nasiromu ri ngayo banua niponturo i Yesus.

³⁴ Bo i Yesus nompakabelo nadea tona anu nadua mpengaya-ngaya, bo nadea seta nipopalaiNa muni. Ledo nidekeiNa seta-seta haitu motesa sabana nisanira Iamo toGasa lako nte Alatala.

I Yesus hau mompaguru ri ngata-ngata ntanina ri bagia Galilea

³⁵ Nasadondo mpuu, da naruyona, nembangumo i Yesus bo nompalaisi banua. Ia hau ri ponturo nakalinoa bo nosambaya hamai.

³⁶ Tapi i Simon ante roa-roana nangelo Ia.

³⁷ Niposinggavakarapa i Yesus, niuliramo ka Ia, <>

³⁸ Nesana i Yesus ka ira, <>

³⁹ Jadi i Yesus hau nompatolele Kareba Belo ri banua-banua petupu ri njumangu ngata ri bagia Galilea. Bo Ia muni nompopalai seta-seta lako nte tona nipesua seta.

I Yesus nompakabelo saito tona nadua oge

⁴⁰ Naria saito tona nadua oge nakava nte i Yesus. Ia nantaputu bo nerapi nte rarana mpuu-mpuu nangulika i Yesus, <>

⁴¹ Naasi mpuu mata i Yesus nanggita tona haitu. Jadi nidikaNa paleNa ri karo ntona nadua haitu, bo niulikaNa, <>

⁴² Kaliu-liu nalipo dua ntona haitu bo nabelomo karona.

⁴³ Naliu haitu, i Yesus nombatudu ia malai bo nipopaingaNa ivei:

⁴⁴ <>

⁴⁵ Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.