O NEHEMIA 7 - MA JOU AI BUKU O ABARI MA OA

¹ O bebeno o mehele ihigoko iböto ipahaino, ngohi tähuloko hupaya mangorana mabebeno ihipake. Daha o ngorana ma ago-agomo magogoana, yonyö nyanyanyi de hagala o Lewi manyawa tahuloko yadiai manga manarama moi-moi.

² O Yerusalem makota mapareta tohilapahi ahi riadodotika o Hanani de o Hananyaika, o kota makapita, karana ünanga woholoi ngaro de o nyawa mahomoa, wimodongo ma Jouika de yakunu hingaku.

³ Tatemo onangika, ”O Yerusalem mahungi mangorana ma ago-agomo yakunu yahelenga nako o wange itebinoka de kiani yabenoka ikali ihipake madudukuru yogo goa-goana yapidili uahi manga manarama o bimaoaoka. Mahomoa gënanga kiani yätumutu yogö goa-goana o Yerusalem manyawa manga hidogoronaino, o hidoku moi mangale o pos-pos magogoana de o hidoku moioli mangale yotailako toönanga manga tau yakilolitino madaeraka.”

Hagala o nyawa manga romanga madulihi yatotabuangoka de yolio

⁴ O Yerusalem o kota ka ha amokika mä manyawa duga-duga ka manga huhutulu, de o tau iwöe uahi ihigoko.

⁵ Hababu genanga ma Jou Madutu Wohihi doaka o hidumutu ngohino mangale tatoomu o kawaha de o tutuda-tutuda ikali manga baluhu, hupaya ngohi yakunu taetongo onanga imamoteke toönanga manga difauku mabuku. O öraha gënanga tamakeoka madulihi mangale hagala o nyawa madodihiraka yolio o tabuangino. Ituruino nënanga ganga o hitararono tamake o dulihino gënanga.

⁶ Manga ngöe hagala o nyawa yaumo-umo manga hidogoronaka yamal̄a o Babil mapropinsi dede yolio o Yerusalem de o Yehudaika, moi-moi manga kotaika mahirete. Onanga madekanoka yowango o tabuanga magoronaka o Babeloka, mulaenge ma Koano Nebukadnezar wa ao önanga dokengika hokä o dagokino.

⁷ Toönanga manga tutuda-tutuda ganga o Zerubabil, o Yesua, o Nehemia, o Azarya, o Ramya, o Nahamani, o Mordekhai, o Bilsan, o Misperet, o Bigwai, o Nehum deʼ o Baana.

^8-25 Nenanga o Israeloka manga tau manyawa manga ahali mabuku, de manyawa manga ngöe manga ahalino magetongo yolö lio-lio o tabuangino: O Paros – 2.172 O Sefaca – 372 O Arah – 652 O Pahat-Moab (o Yesua de o Yoab manga difauku) 2.818 O Elam – 1.254 O Zatu – 845 O Zakai – 760 O Binui – 648 O Bebai – 628 O Azgad – 2.322 O Adonikam – 667 O Bigwai – 2.067 O Adin – 655 O Ater (iwihetongo o Hizkia) – 98 O Hasum – 328 O Bezai – 324 O Harif – 112 O Gibeon – 95

^26-38 Hagala o nyawa manga ete de manga tohora yogogere o kota-kotaka imakinïki nënanga yolio o o tabuangino: O Betlehem de o Netofa makota – 188 O Anatot – 128 O Bet-Asmawet – 42 O Kiryat-Yearim, o Kefira deʼ o Beerot – 743 O Rama de o Gaba – 621 O Mikhmas – 122 O Betel deʼ o Ai – 123 O Nebo mahomoa – 52 O Elam mahomoa – 1.254 O Harim – 320 O Yerikho – 345 O Lod, o Hadid deʼ o Ono – 721 O Senaa – 3.930

^39-42 Nenanga o imam-imam manga tau manyawa manga ahali mabuku yolö lio-lio o tabuangino: O Yedaya ( o Yesua aidifauku) – 973 O Imer – 1.052 O Pasyhur – 1.247 O Harim – 1.017

^43-45 O Lewi ai tau manyawa manga ahali yolö lio-lio o tabuangino enagënanga: O Yesua de o Kadmiel (o Hodewa aidifauku) – 74 O musik ihi gogogule ma Jou Ai Tauoka (o Asaf aidifauku) – 148 O Ngorana ma ago-agomo ma Gogoana ma Jou Ai Tauoka (o Salum, o Ater, o Talmon, o Akub, o Hatita deʼ o Sobai) – 138

^46-56 Nenanga ma Jou Ai Tauoka yomomanarama manga tau manyawa manga ahali mabuku yolö lio-lio o tabuangino: O Ziha, o Hasufa, o Tabaot, O Keros, o Sia, o Padon, O Lebana, o Hagaba, o Salmai, O Hanan, o Gidel, o Gahar, O Reaya, o Resin, o Nekoda, O Gazam, o Uza, o Paseah, O Besai, o Meunim, o Nefusim, O Bakbuk, o Hakufa, o Harhur, O Bazlit, o Mehida, o Harsa, O Barkos, o Sisera, o Temah, O Neziah, deʼ o Hatifa.

^57-59 O Salomo iwilö leleani manga tau manyawa manga ahali yolö lio-lio o tabuangino: O Sotai, o Soferet, o Perida, O Yaala, o Darkon, o Gidel, O Sefaca, o Hatil, o Pokheret-Hazebaim, O Amon.

⁶⁰ Ma Jou Ai Tauoka yomomanarama yongodumu de o Salomo iwilö leleani yolio o tabuangino manga ngöe 392 yaratuhu hange de yamori hiwo de yahinoto.

^61-62 Hagala o nyawa ima gora-goraka manga hidogoronaka o Tel-Melah makota-kota deyaino, o Tel-Harsa, o Kerub, o Adon deʼ o Imer, naga yaratuhu butanga de yamoruata de yahinoto 642 yodogoika o Delaya, o Tobia deʼ o Nekoda manga ahali; maʼ önanga hakunua hohidoaka manyonyata önanga o Israeloka manyawa manga difauku.

^63-64 Nagaö yamuruono naga o imam manga tau manyawa yamakeua madulihi yakorona toönanga manga ete de manga tohora, O ahali-ahali gënanga ganga o Habaya, o Hakos deʼ o Barzilai. (Womatengo o imam manga ahali manga ete de manga tohora o Barzilai wokawingi de o ngoheka o Barzilai ai ahali manga difauku o Gileadoka de ipaha ünanga wapake ai toroa ai tau manyawa manga romanga.) Karana önanga yakunua ihi döaka manyonyata o nagona toönanga manga ete de manga tohora, done önanga yatarimaua hokä o imam.

⁶⁵ O Yehuda madaera magubernur waduhunu önanga yaol̄omo o inomo ihi huba-huba ma Jou Madutuika, hiädono naga womatengo ma imam wakunu wogahoko o hidumutu de wapake o Urim deʼ o Tumim.

^66-69 Hagala o nyawa yototabuanga yolö lio-lio manga bereraika mata-mata manga ngöe 42.360. Mahomoa de gënanga yolioö yarö riwo-riwo önanga manga ngöe 7.337 de yonyö nyanyanyi manga ngöe 245. Onanga o yao toönanga manga aiwani-aiwani, enagënanga: O kuda – 736 O bagal – 245 O unta – 435 O keledai – 6.720

^70-72 O kawaha manga hidogoronaka manga ngoë ihidöaka o roriwo mangale ihi uwini mabajanga ma Jou Ai Tau ihi gokoli: magubernur: – o gurasi o kilo 8 o mangko upacara 50 o imam manga juba 530 o ahali manga balu-baluhino: – o gurasi o kilo 168 o haaka o kilo 1.250 o nyawa ma homoaino: – o gurasi o kilo 168 o haaka 140 o imam manga juba 67

⁷³ O imam-imam, hagala o Lewi manyawa, ma Jou Ai Tau mangorana ma amo-amoko magogoana, yonyanyanyi, manga ngöe o kawaha biahaino, yomomanarama ma Jou Ai Tauoka, o demo madipoko o Israeloka makawaha yongodumu, kahirahi o kota-kotaka de o kapo-kapongo o Yehudaka.