O MAZMUR 93 - MA JOU AI BUKU O ABARI MA OA

Ma Jou o Koano wokokakali

¹ Ma Jou ganga o Koano; Unanga woma hipakeanga o mulia deʼ o kuata. O dunia ibitumu ima okoil̄e yakunua igiwi.

² Ani popareta makuruhi ikekete kamahira inohi kai kakali Ngona naga.

³ O ngöto ma ago-agomo matiti ihidoail̄e mailingi, ya Jou, o ngöto ma ago-agomo yakua-kuatil̄e mamoku-moku maruruhu.

⁴ Mä ma Jou wokokuaha o horogaka, iholoi himodongo deo ngöto ma ago-agomo malulu, iholoi wokuata deo moku-moku maluluaka.

⁵ Jou, Ani tita ikakali kahi ädo-ädonika, Ani Tau itebini o öraha magurutu.