O MAZMUR 65 - MA JOU AI BUKU O ABARI MA OA

O higiriri deʼ o syukur

¹ Mangale yonyä nyanyi manga tutuda. O Daud ai Mazmur. O nyanyi.

² Ipatutu ngomi mini higiriri Ngona o Sionoka, ya Jou Madutu, deʼmia totomo tongomi mia jaji Ngonaika.

³ Hababu Ngona ganga natotarima o niniata; mata-mata o nyawa yoboa Ngonaika karana yobaradohaka.

⁴ Ahi baradoha itubuho holi ngohiuku, mä Ngona na apongo.

⁵ Youtumu o nyawa Ngona nä iri-iriki, deʼ Na ahoko mangale yogogere Ani Tauoka. Ngomi aha mia mao misanangi de hagala maoa-oa, Ani Tauoka, Ani gogere itö tebi-tebini.

⁶ Ngona nomï baluhu ngomi deʼ nomihi döaka ngomino o utumu, Ngona nadiai o baranga ihö hera-heranga mangale nomï hihalamti ngomi! Ngona ganga mata-mata o hoana deo berera manga ngonganono hiädono o ngöto ikökurutika.

⁷ De to Ngona Ani kuata Nohi gokoil̄e hagala ol̄oku, mangale nohi dumutu Ani kuaha ipoputurungu.

⁸ Ngona nahohihanga o ngöto maruruhu deʼ o moku-moku idilo-dilongo, deʼ Narïdi o hoana deo berera manga gigoro.

⁹ Mata-mata yogogogere o duniaka yohawana deʼ ini horomati yamake Ani manarama yömodo-modongo. O dunia yamode-modekika mabahaka dema bahaika Nadiai youlili yomorene.

¹⁰ O tonaka gënanga Ngona napaliara deʼ Nohidöaka o awana, Ngona nadiai iburere hiädono mahasili dema boboloi. O ngairi-o ngairi Ngona nadol̄a deo akere, Ngona nasadia o gandum mangale önanga, ya, hoko gënanga Ngona nasadia.

¹¹ Ngona nohi döaka o akere o pajeko marioika deʼ Napehaka matonaka ikoka akomino. Ngona nawedere ënanga deo awana, deʼ Ngona nasadia madori-dori iwango iburere.

¹² Karana Ani oa, o taongo ihi getongo Ngona nasadia o gugutuku; kiaka Ngona noboa, naga o hasili dema boboloi.

¹³ O tonaka ikokakaha iomanga deo kabingi de o duba, mata-mata madoporono imorene.

¹⁴ O momo o tonaka ilua-luasi ima hikorobitino o duba, o wai-wai iomanga deo gandum. Mata-mata youlili deʼ yonyanyi yomorene.