O MAZMUR 43 - MA JOU AI BUKU O ABARI MA OA

O niniata o tabuanga matonakoka

¹ Nohihidöaka o adili ngohino, ya Jou Madutu, nö riwo ahi haku o hoana deo berera manyawa itotorou manga himangoka. Ngohi nohihibebasi deo nyawa madorou deʼ yotipu-tipu.

² Ngona o Jou Madutu, ahi hohohongo; yadodoaho Ngona nohi mal̄aika ngohi? Yadodoaho ngohi kokiani kahokogenangika tohangihara karana ihi tuku hagala ahi haturu?

³ Nohinyata Ani setia mangale ihi tararono deʼ ihi tuda ngohi, hupaya ngohi tomakilioro o Sionika, Ani doporono itebi-tebini deʼ ani Tauika Nö gogogere.

⁴ Done ngohi aha tödumutu ma Jou Madutu Ai huhuba mangï ika, tïhimanga ma Jou Madutu ahi utumu matiti. Ngohi aha tonyanyi deʼ o kecapi tohigogule, mangale toni higiriri, ya Jou Madutu, ahi Jou Madutu.

⁵ Yadodoaho ahi hininga ihuha deʼ kato hawa-hawanika? Ngohi toma hinganono ma Jou Madutuika, done ngohi aha tosyukuroli Unangika, ahi Jou Madutu deʼ wohihi hohalamati.