O MAZMUR 21 - MA JOU AI BUKU O ABARI MA OA

Mini higiriri mangale o utumu

¹ Mangale yonyä nyanyi manga tutuda. O Daud ai Mazmur.

² Ya Jou, ma koano womorene karana Ngona nihi kuatoka ünanga; ünanga womorene karana o utumu Nihidöaka unangika!

³ Ngona naganapuoka ai hininga mamau, deʼ nihidöaka okianaga wogaho-gahoko.

⁴ Ngona noböa unangika deʼ o barakati ihoholoi, deʼ nohi todenge o makota gurasi ai häekuku.

⁵ Unanga wogahoko o ngango, deʼ Ngona nihidöaka unangika, maboboloioli ai umuru ikurutu kahiädo-ädonika.

⁶ Karana Ani roriwo ünanga wodadi duru iwi hö horomati, Ngona nadiai ünanga kaiwi heto-hetongo deʼ womulia.

⁷ Ngona nï barakati ünanga koi toa-toakua; Ani böa yadiai ünanga iwi omanga morene.

⁸ Ma koano woma hinganono ma Jouika Woko Kurutil̄e, ünanga salalu ai hininga isanangi hababu kahirahi ma Jou wï dora.

⁹ Unanga aha wätagoko deʼwaao mata-mata ai haturu, deʼ wätagoko mata-mata o nyawa iwï doha-dohata Unanga.

¹⁰ Unanga waino hokä o uku itoka-tokara mangale wäbinaha önanga. Ma Jou Ai dohata deʼ o uku itö tuhu-tuhuku, mangale yä binaha önanga.

¹¹ Toönanga manga difauku mahou moiua, ma koano aha wäbinaha önanga mata-mata.

¹² nako önanga yodiai o hidailako iwi lawani ma koano, toönanga manga akali madorou aha koi hasilua.

¹³ Unanga aha wahi meta Ai toimi, hiädono önanga ima idulu deʼ yopiringana.

¹⁴ Ngomi mini higiriri Ngona Jou, hababu ilamoko Ani kuaha, ngomi minyanyi mihigiriri Ani buturungu.