O MAZMUR 15 - MA JOU AI BUKU O ABARI MA OA

O nyawa yopatu-patutu ma Jouika

¹ O Daud ai Mazmur. Jou, nagona yakunu ima hidodogumu Ani Tauoka deʼ yogogere Ani doporono itebi-tebinoka?

² O nyawa yowango manga howono koiwa deʼ yadiai yaoa-oa, dede manga hininga itebini ihi demo o diai;

³ yä fitanaua manga dodiawo o nyawa, yodiaiua o dorou manga dodiawoika, deʼ ima kokukere manga romanga yadiaiua itorou;

⁴ o nyawa wä umo-umoka ma Jou Madutu yapulono okiaua yädaene, mä yä horomati o nyawa manga wowango itebi-tebini; manga jaji yatotomo ngaroko yorugi;

⁵ deʼ yahibau o tiwi ngaroko koiwa mabunga yoluku yatarima o tiwi o uru mabobokumu. La yahirugi o nyawa yahowo-howonua. O nyawa yododiai hoko gënanga, aha salalu manga hininga irïdi.