O MAZMUR 130 - MA JOU AI BUKU O ABARI MA OA

O niniata o huba magoronakaka

¹ O duduono ikokaramatika manyanyi. O huha mawai ino ngohi toma hiböaka Ngonaika, ya Jou.

² Jou, Noihene ahi böaka natailako nohidodiai ahi niniata.

³ Nako Ngona kahoko genangika nöhininga tongomi mia baradoha, ya Jou, o nagona yakunu yataana?

⁴ Mä Ngona nöigo nohi apongo, hupaya o nyawa inï modongo.

⁵ Ngohi todama Ani bobatumu Jou, Ani jaji tönganono.

⁶ Ngohi duru tonï nahihu Jou, iholoi de womatengo wogoa-goana wonahihu tigi-tigi itebini.

⁷ Nima hinganono ma Jouika, hei Ai umati, hababu Unanga kahirahi wonä dora, deʼ salalu womahidiai wonahihalamati.

⁸ Unanga aha wonahibebasi ngone de hagala tongone nanga howono.