O MAZMUR 120 - MA JOU AI BUKU O ABARI MA OA

O niniata togahoko o roriwo

¹ O duduono ikokaramatika manyanyi. Ahi huha magoronaka ngohi tomahiböaka ma Jouika, deʼ Unanga wohibaluhu ngohi.

² Ya Jou nohihihalamati ngohi yototengeluku deʼ yotipu-tipuino.

³ Hei nitipu-tipu, okia aha ma Jou Madutu wodiai nia himangika? De okia Unanga aha winï hukumu ngini?

⁴ De womatengo wopoparangi ai toimi madoto idoto-doto, deo uku mangaboho itoka-tokara!

⁵ Ngohi tobodito karana kokiani towango dede ngona; koiwa mabeda hokä togogere o Mesekh mabereraka, ekola o Kedar manyawa manga hidogoronaka.

⁶ Yaoaka ma dekana ngohi togogere de hagala o nyawa yöigo-igoua o dame.

⁷ Nako ngohi totemo mangale o dame, önanga yomau o parangi.